13 şılde künı Jezqazǧan jylu elektr ortalyǧynda apat boldy. Būl turaly Energetika ministrlıgınıŋ baspasöz qyzmetı jazdy, dep habarlaidy «Adyrna» tılşısı.
«Keşe, 2023 jylǧy 13 şıldede saǧat 21:12-de qolaisyz aua-raiy jaǧdaiynda Aqadyr-Jezqazǧan 500 kV elektr beru jelısı ajyratyldy. Elektr jelısınıŋ parametrlerınıŋ özgeruı Jezqazǧan JEO-nyŋ №7 jäne 11 qazandyqtarynyŋ şaŋ qorektendırgış qozǧaltqyştaryndaǧy jiılık türlendırgışterınıŋ ajyratyluynan olardyŋ sönuıne äkeldı. Budyŋ bolmauyna bailanysty №4, 7 turbinalar toqtatyldy, būl generasiianyŋ tolyq tömendeuıne äkeldı. Stansiianyŋ jūmys rejimın qalpyna keltıru bır saǧattan keiın bastaldy»,—delıngen habarlamada.Basqarma zan-jaqty tergeu jürgızu üşın Atomdyq jäne energetikalyq qadaǧalau men baqylau komitetınıŋ komissiiasy qūrylǧanyn atap öttı. Būl Jezqazǧan JEO-nyŋ tolyq toqtauy bırınşı ret emes. 19 mausym saǧat 12:45-te özınıŋ elektr qajettılıkterın joǧaltu saldarynan stansiia generasiiasy 129-dan 0 MVt-qa deiın tömendegen.
«Joǧaryda aitylǧandardyŋ negızınde «Qazaqmys Enerdji» JŞS-nyŋ basşylyǧyna Jezqazǧan JEO-nyŋ senımdı jūmysyn qamtamasyz etu jönınde pärmendı şaralar qabyldau tapsyryldy. «Qazaqmys Enerdji» JŞS-nyŋ qauıpsız jūmys mäselesı boiynşa arnaiy keŋes 2023 jylǧy 17 şılde düisenbı künı Ministrlıkte ötkızıledı»,—dep tolyqtyrdy ministrlık.
Ūqsas jaŋalyqtar
