Ázirbaıjan qutqarýshylary Túrkııaǵa alǵashqy bolyp qol ushyn sozdy

2489
Adyrna.kz Telegram

"Eki memleket, bir mıllıet (ult)" ıdeıasyn myqtap ustanatyn Ázirbaıjan memleketketi túrik baýyrlaryna qol ushyn sozý maqsatynda qutqarýshylar tobyn jasaqtap, dereý jetti. Tarqatyp aıtqanda,  baýyrlas eldiń azamattary altynshy aqpan, túsaýa túrik topyraǵyna kelip qondy.  Ázirbaıjan aqparat portalynyń habarlaýynsha, olar Túrkııaǵa alǵashqy bolyp qol ushyn sozǵan. Qazaq eliniń azamattary da baýyrlardy qoldaýǵa attandy, dep habarlaıdy "Adyrna" ulttyq portaly.

Túrik BAQ-tarynyń habarlaýynsha, Tótenshe jaǵdaılar mınıstrligi Ázerbaıjan Respýblıkasynyń Prezıdenti Ilham Álıevtiń tapsyrmasy boıynsha baýyrlas elge 370 adamnan turatyn jedel áreket etý jáne qutqarý kúshterin jiberýge daıyn ekenin jarııalaǵan.

Sonymen qatar, búgin Ázerbaıjan Prezıdenti Ilham Álıevtiń tapsyrmasyna sáıkes, Túrkııadaǵy qatty jer silkinisiniń saldaryn joıý, ońtaılandyrý maqsatynda baýyrlas elge Tótenshe jaǵdaılar mınıstrliginiń taǵy eki ushaǵy barady.

Qazaqstan TJM qutqarýshylary da Almatydan jer silkinisi saldaryn joıýǵa kómek kórsetý úshin Túrkııaǵa attandy. Buǵan qatysty áskerı jýrnalıst Amangeldi Qurmetuly on tórt saǵat buryn tómendegideı pikir bildirgen:

"Qazaqstan qutqarýshylary Túrkııaǵa ushpaq eken. Aldymen Astanadan Almatyǵa ushady. Sodan soń Túrkııaǵa attanady. Biraq Almaty áýejaıy TJM ushaǵyn ázirge qabyldaı almaıdy eken. Aýa-raıynyń qolaısyzdyǵy bolar. Demek bizdiń qutqarýshylar erte degende erteń jetedi-aý" dep jazdy avtor.

"Adyrna" ulttyq portaly 

Pikirler