Qazaqstan Respublikasy IIM elde jürgızıluı josparlanǧan qylmystyq jäne äkımşılık amnistiiaǧa qandai sanattaǧy azamattardyŋ ılıguı mümkın ekenın tüsındırdı, dep habarlaidy "Adyrna".
Vedomstvonyŋ mälımetınşe, Memleket basşysynyŋ bastamasymen jaŋa Konstitusiianyŋ qabyldanuyna bailanysty qylmystyq jäne äkımşılık amnistiia jürgızu közdelıp otyr. Būl bastama ädılettılık, gumanizm jäne adam qadır-qasietın qūrmetteu qaǧidattaryna negızdelgen qūqyqtyq saiasatty odan ärı damytuǧa baǧyttalǧan.
IIM atap ötkendei, amnistiia – qylmysqa jūmsaqtyq tanytu emes, qūqyq būzuşylyq jasaǧanymen qoǧamǧa eleulı qauıp töndırmeitın azamattardyŋ äleumettık beiımdeluıne mümkındık beretın erekşe qūqyqtyq tetık. Onyŋ maqsaty – mūndai adamdardyŋ qoǧamǧa, eŋbek naryǧyna jäne ekonomikalyq ömırge qaita beiımdeluıne kedergı keltıretın qūqyqtyq jäne qarjylyq tosqauyldardy azaitu.
Prezident tapsyrmasyn oryndau aiasynda Mäjılıs deputattary jekelegen sanattaǧy qūqyq būzuşylyqtar boiynşa amnistiia turaly zaŋ jobasyn äzırledı. Qūjatty daiyndau jäne talqylau jūmystaryna Işkı ıster ministrlıgı basqa memlekettık organdarmen bırlesıp qatysyp jatyr.
Ministrlıktıŋ tüsındıruınşe, qylmystyq amnistiia qylmystyq terıs qylyqtar men onşa auyr emes qylmystar jasaǧan adamdarǧa qoldanylady. Sonymen qatar auyrlyǧy ortaşa qylmystar üşın sottalǧan azamattar da keltırılgen zalal tolyq ötelgen nemese mülde zalal keltırılmegen jaǧdaida amnistiiaǧa ılıguı mümkın.
Būdan bölek, sottalǧandardyŋ jekelegen sanattary üşın qylmystyŋ auyrlyǧy men olardyŋ mınez-qūlqyn eskere otyryp, jaza merzımın qysqartu mümkındıgı qarastyrylǧan.
IIM mälımetınşe, būl bastama qylmystyq qana emes, äkımşılık qūqyq būzuşylyqtarǧa da qatysty bolady. Täuelsız Qazaqstan tarihynda äkımşılık amnistiia alǧaş ret ötkızılmek.
Vedomstvonyŋ pıkırınşe, ūsynylyp otyrǧan zaŋ jobasy gumanizm qaǧidattaryn zaŋ üstemdıgı jäne qūqyqtyq tärtıptı qamtamasyz etu saiasatymen ūştastyra otyryp, memlekettıŋ qūqyqtyq jüiesın odan ärı jetıldıruge baǧyttalǧan.
