Bügın, 7 mausymda Işkı ıster ministrlıgı kölık jürgızuşılerıne taǧy bır märte ündeu jasady, dep habarlaidy «Adyrna» tılşısı Polisia.kz-ke sılteme jasap.
IIM äkımşılık polisiia komitetı töraǧasynyŋ orynbasary Älıbek Keŋıspaev azamattardy jol jürısı qaǧidalaryn saqtauǧa şaqyrdy. Aituynşa, polisiia jol apattaryn boldyrmau, jol jürısı qaǧidalaryn būzudyŋ aldyn alu boiynşa tūraqty türde tüsındıru jäne profilaktikalyq jūmystaryn jürgızedı.
«Osy maqsatta kün saiyn trassalarda şamamen 1,5 myŋ patruldık polisei qyzmet etedı. Ekipajdar 50 şaqyrym saiyn ornalastyrylǧan. Jürgızuşıler köbınese jol erejelerın elemeidı. Jyldamdyq rejimın saqtamaidy. Qarsy jolǧa şyǧyp ketıp jatady. Mysaly 5 mausymda Aqtöbe oblysynda Toyota Alphard avtokölıgınıŋ jürgızuşısı ruldı basqara almai, audarylyp kettı. Apatqa deiın ony polisiia qyzmetkerlerı toqtatyp, jol erejesın saqtau turaly eskertken bolatyn. Oqiǧa saldarynan tört adam qaza tapty. Jürgızuşılerdı taǧy da jolda saq boluǧa şaqyramyn!»—dedı ol.
Aita keteiık, ötken jyly jyly Qazaqstan aumaǧynda 15 myŋnan astam jol-kölık oqiǧasy tırkeldı. Kölık apaty kezınde 5 myŋ azamat qaza tauyp, 19 myŋnan astam adam jaraqat aldy.
