Astanada vıdeosy áleýmettik jelide tarap ketken Ulttyq ulannyń burynǵy sarbazyn soqqyǵa jyqqan eki kúdikti ustaldy, - dep habarlaıdy “Adyrna” ulttyq portaly QR IIM baspasóz qyzmetine silteme jasap.
«Qylmystyq iske qatysty jedel-izdestirý sharalarynyń arqasynda Ulttyq ulannyń burynǵy áskerı qyzmetshisin uryp-soǵýǵa qatysy bar barlyq kúdiktilerdiń ornalasqan jeri anyqtaldy. Astanada 24 saǵat ishinde eki kúdikti – denege tikeleı zaqym keltirgen jábirlenýshiniń burynǵy áriptesteri turǵylyqty jeri boıynsha jedel túrde ustaldy. Ekeýi de ýaqytsha ustaý ızolıatoryna qamaldy», - delingen vedomstvo habarlamasynda.
Tergeý aıasynda barlyq qatysy bar adamdardan jaýap alyndy. Olardyń áreketine, sonyń ishinde vıdeony túsirgen adamǵa da quqyqtyq baǵa beriledi. Tergeý sharalary jalǵasýda, dep habarlady baspasóz qyzmeti.
Buǵan deıin áleýmettik jelide kamýflıaj kıgen jigitti poıyz vagondarynyń ótkelinde belgisiz bireýlerdiń uryp jatqan vıdeosy taraǵan bolatyn. Ishki ister mınıstrligine qarasty Ulttyq ulan kameraǵa túsip qalǵan arnaıy formanyń osy basqarmaǵa tıesili ekenin rastaǵan edi.
Ishki ister mınıstrligi oqıǵa 2023 jyldyń kúzinde, boryshyn ótep, zapasqa jiberilgen sarbazdardyń úılerine qaıtyp bara jatqan kezde bolǵanyn habarlady.
Qazaqstan prezıdenti Qasym-Jomart Toqaev Ishki ister mınıstri Erjan Sádenovke shabýyl jasaǵandardy jaýapqa tartý úshin shuǵyl sharalar qabyldaýdy tapsyrǵan bolatyn.
