16 mausymda Täjıkstan prezidentı Emomali Rahmon 18 myŋnan astam adamdy qamtityn amnistiia turaly zaŋǧa qol qoidy. Būl turaly memleket basşysynyŋ baspasöz qyzmetı jazdy, dep habarlaidy «Adyrna» tılşısı.
Amnistiia Täjıkstan täuelsızdıgınıŋ 35 jyldyǧyna orai jariialanǧan. El būl mereitoidy 9 qyrküiekte atap ötedı.
Zaŋǧa säikes, bas bostandyǧynan aiyru oryndarynda jäne tüzeu mekemelerınde jazasyn ötep jatqan, sondai-aq bostandyǧynan aiyrumen bailanysty emes özge de jaza türlerıne tartylǧan 11 305 adam jazadan tolyq bosatylady. Sondai-aq 6 733 sottalǧannyŋ ötelmegen jaza merzımı qysqartylady.
Zaŋda äielder men kämeletke tolmaǧandarǧa erekşe nazar audarylǧan. Jazasyn ötep jatqan 507 äieldıŋ 248-ı bostandyqqa şyqsa, 259 äieldıŋ jaza merzımı qysqartylady.
Amnistiia kämeletke tolmaǧan sottalǧandarǧa da qoldanylady. Jazasyn ötep jatqan 134 jasöspırımnıŋ 99-y tolyq bosatylyp, 35 jasöspırımnıŋ qalǧan jazasy jeŋıldetılmek.
Zaŋdy jüzege asyru üşın ekı ai merzım belgılengen.
Täjıkstanda soŋǧy ret amnistiia 2021 jyldyŋ şıldesınde el täuelsızdıgınıŋ 30 jyldyǧyna orai jariialanǧan bolatyn. Ol kezde 25 myŋnan azamat amnistiiaǧa ılıkken.
