Máskeýde ótken kelissózderde Reseı prezıdenti Vladımır Pýtın tájik áriptesi Emomalı Rahmonǵa Tájikstanda orys tiliniń damyp jatqany úshin alǵys aıtty, dep habarlaıdy "Adyrna" portaly.
21 qarashada Rahmon Reseıge resmı saparmen bardy. Shekteýli quramdaǵy kelissózde Pýtın 2022 jyly Tájikstanda Reseıdiń qoldaýymen salynǵan orys tilinde oqytatyn bes mektep ashylǵanyn eske saldy.
«Bıyl jáne odan keıingi jyldary Reseı úkimeti bul mektepterge oqýlyqtar úshin 200 mıllıon [rýbl] bóledi, men olardyń jetkiliksiz ekenin bilemin, biraq sheshim qabyldandy. Bizde Tájikstannan kelgen stýdentter men aspıranttar oqıdy. TMD elderi arasyndaǵy eń úlken kvota Tájikstanda – 900 adam. Biz bul kvotany 2024-2025 jyldarǵa 1000 adamǵa deıin arttyryp jatyrmyz», - dedi Pýtın.
Rahmon: «Rahmet», - dep jaýap berdi.
«Men sizge alǵys aıtýym kerek, óıtkeni men sizdiń orys tilin damytýǵa jáne mádenıet salasyndaǵy, jalpy gýmanıtarlyq saladaǵy qarym-qatynastarymyzǵa qanshalyqty kóńil bóletinińizdi bilemin. Bir kezderi siz respýblıkada Tájikstannyń daryndy balalaryn oqytý jáne tárbıeleý ortalyǵyn jáne Maıakovskıı atyndaǵy orys drama teatryn qurý týraly bastama kóterdińiz - bul maqsattarǵa Reseı Federaııasynyń úkimeti tórt jáne 3,5 mlrd. rýbl boldy. Sondyqtan bul josparlar júzege asady», - dep keltiredi Kreml.rý Reseı prezıdentiniń sózin.
Máskeýdegi kelissózderde eki el arasyndaǵy saýda-ekonomıkalyq jáne gýmanıtarlyq saladaǵy yntymaqtastyqtyń jaı-kúıi men damý keleshegi, Reseı-Tájikstan strategııalyq áriptestiginiń basqa da negizgi aspektileri talqylanady dep josparlanýda. Prezıdentter ózekti aımaqtyq jáne halyqaralyq máseleler boıynsha pikir almasady. Kelissózder nátıjesinde birqatar ekijaqty qujattarǵa qol qoıylyp, prezıdentter BAQ ókilderine málimdeme jasaıdy.
