Memleket basşysy Qasym-Jomart Toqaev Täjıkstan prezidentı Emomali Rahmondy Qoja Ahmet Yasaui ordenımen marapattady. Saltanatty räsımnen keiın Qazaqstan Prezidentı täjık ärıptesın Nazarbaev äuejaiynda şyǧaryp saldy, dep habarlaidy "Adyrna".
Marapattau räsımınde Prezident Qasym-Jomart Toqaev qazaq pen täjık halyqtaryn ǧasyrlardan tamyr tartatyn dostyq, ruhani ündestık jäne ortaq tarihi taǧdyr bailanystyratynyn atap öttı.
Prezidenttıŋ aituynşa, Qoja Ahmet Iаsauidıŋ mūrasy – bükıl örkenietke, sonyŋ ışınde ortaq ruhani dästürlerı qalyptasqan Ortalyq Aziia halyqtaryna tiesılı qazyna. Sondai-aq ol ūly oişyldyŋ ılımı adamgerşılık, ädılet, meiırım jäne gumanizm ideialaryn därıpteitının aitty.
Biylǧy mamyr aiynda Türkiia prezidentı Rejep Taiyp Erdoǧan Astanaǧa saparynda Qoja Ahmet Yasaui ordenınıŋ alǧaşqy iegerı atanǧan. Ile-şala IýNESKO-nyŋ būrynǧy bas direktory Odre Azulene hanym da Qoja Ahmet Yasaui ordenımen marapattalǧan
Qasym-Jomart Toqaev Emomali Rahmonnyŋ Täjıkstannyŋ memlekettılıgın nyǧaituǧa, qoǧamdyq kelısımdı saqtauǧa jäne eldıŋ örkendeuıne qosqan ülesın atap öttı. Sondai-aq onyŋ Ortalyq Aziiadaǧy tūraqtylyq pen qauıpsızdıktı nyǧaitudaǧy, Qazaqstan men Täjıkstan arasyndaǧy dostyq jäne odaqtastyq qatynastardy damytudaǧy rölıne toqtaldy.
Aita keteiık, Emomali Rahmonnyŋ Qazaqstanǧa resmi sapary 5–7 qaraşa aralyǧynda öttı.
Memleket basşysy Qasym-Jomart Toqaev märtebelı meimandy bügın, 7 qaraşada Astanadaǧy Nazarbaev äuejaiynan şyǧaryp saldy.
Būǧan deiın de Memleket basşysy Qasym-Jomart Toqaev elımızge Aqaba prosesı sammitıne qatysu üşın jūmys saparymen kelgen Özbekstan basşysy Şavkat Mirziioevtı elorda äuejaiynan şyǧaryp salǧan edı.
