16 ماۋسىمدا تاجىكستان پرەزيدەنتى ەمومالي راحمون 18 مىڭنان استام ادامدى قامتيتىن امنيستيا تۋرالى زاڭعا قول قويدى. بۇل تۋرالى مەملەكەت باسشىسىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
امنيستيا تاجىكستان تاۋەلسىزدىگىنىڭ 35 جىلدىعىنا وراي جاريالانعان. ەل بۇل مەرەيتويدى 9 قىركۇيەكتە اتاپ وتەدى.
زاڭعا سايكەس، باس بوستاندىعىنان ايىرۋ ورىندارىندا جانە تۇزەۋ مەكەمەلەرىندە جازاسىن وتەپ جاتقان، سونداي-اق بوستاندىعىنان ايىرۋمەن بايلانىستى ەمەس وزگە دە جازا تۇرلەرىنە تارتىلعان 11 305 ادام جازادان تولىق بوساتىلادى. سونداي-اق 6 733 سوتتالعاننىڭ وتەلمەگەن جازا مەرزىمى قىسقارتىلادى.
زاڭدا ايەلدەر مەن كامەلەتكە تولماعاندارعا ەرەكشە نازار اۋدارىلعان. جازاسىن وتەپ جاتقان 507 ايەلدىڭ 248-ءى بوستاندىققا شىقسا، 259 ايەلدىڭ جازا مەرزىمى قىسقارتىلادى.
امنيستيا كامەلەتكە تولماعان سوتتالعاندارعا دا قولدانىلادى. جازاسىن وتەپ جاتقان 134 ءجاسوسپىرىمنىڭ 99-ى تولىق بوساتىلىپ، 35 ءجاسوسپىرىمنىڭ قالعان جازاسى جەڭىلدەتىلمەك.
زاڭدى جۇزەگە اسىرۋ ءۇشىن ەكى اي مەرزىم بەلگىلەنگەن.
تاجىكستاندا سوڭعى رەت امنيستيا 2021 جىلدىڭ شىلدەسىندە ەل تاۋەلسىزدىگىنىڭ 30 جىلدىعىنا وراي جاريالانعان بولاتىن. ول كەزدە 25 مىڭنان ازامات امنيستياعا ىلىككەن.
