Almaty qalasy muzeiler bırlestıgıne qarasty S.Mūqanov pen Ǧ.Müsırepovtıŋ muzei keşenınde ūlttyq ruhty oiatyp, qazaq mädenietın jaŋǧyrtqan bıregei tūlǧa, belgılı etnograf-ǧalym jäne qoǧam qairatkerı Özbekälı Jänıbekovtıŋ 95 jyldyq mereitoiyna arnalǧan «Özbekälı jäne muzei mädenietı» atty döŋgelek üstel öttı. Būl şara qairatkerdıŋ otandyq muzei ısıne qosqan ölşeusız ülesın ūlyqtaudy maqsat ettı.
Ruhani keştı aqyn, Halyqaralyq «Alaş» ädebi syilyǧynyŋ laureaty, Muzei keşenınıŋ ǧylymi bölım jetekşısı Ädılǧazy Qaiyrbekov aşyp, jürgızıp otyrdy. Basqosuǧa asyldyŋ synyǧy Bauyrjan Özbekälıūly, nemerelerı Äzel men Älıjan, tarihşy-ǧalym, «Qūrmet», «Parasat» ordenderınıŋ iegerı Erbolat Äuezov, jurnalist, ädebi synşy, Halyqaralyq «Alaş» ädebi syilyǧynyŋ laureaty Ämırhan Meŋdeke, «Qūrmet» ordenınıŋ iegerı, Ahmet Baitūrsynūly muzei-üiınıŋ jetekşısı, «Tıl – qūral» oqu-ädıstemelık, ǧylymi-zertteu ortalyǧynyŋ direktory Raihan Sahybekqyzy, Mädeniet salasynyŋ üzdıgı, dombyraşy, tarihi «Adyrna» ansamblınıŋ alǧaşqy tülekterınıŋ bırı, qazırgı taŋda «Sazgen sazy» folklorlyq-etnografiialyq ansamblınıŋ ūiymdastyruşysy Tılek Urazaliev qatysty. Ǧalymdar qairatkerdıŋ otandyq muzei ısı men qazaq ruhaniiatyna qosqan zor eŋbegın jan-jaqty talqylady. Tūlǧanyŋ qolöner men salt-dästürdı tırıltu jolyndaǧy tarihi erlıgın zor tebırenıspen eske aldy. Äsırese onyŋ Qoja Ahmet Iаsaui kesenesı men Otyrar jädıgerlerın aman saqtap, halyqaralyq muzei deŋgeiıne köterudegı, sondai-aq S. Mūqanovtyŋ muzei-üiın aşudaǧy qajyrly eŋbegı erekşe aityldy. «Sazgen sazy» folklorlyq-etnografiialyq ansamblınıŋ artisterı öz önerlerımen keş şyraiyn aşa tüstı.
Is-şara aiasynda ǧalymnyŋ ǧibratty ömırı men ölşeusız qyzmetıne, qūndy ǧylymi eŋbekterıne negızdelgen «Mädeniette mäŋgılık ız qaldyrǧan tūlǧa» atty arnaiy körme ūiymdastyryldy. Jinalǧan qauym tūlǧanyŋ qazaq ruhaniiatyn jaŋǧyrtu jolyndaǧy eren eŋbekterı men el tarihyndaǧy öşpes ızın taǧy bır märte eske aldy.
Ūlttyŋ bırtuar perzentın ūlyqtaǧan būl şara Jänıbekov esımın el jadynda mäŋgılıkke qaldyru jolyndaǧy taǧy bır sättı qadam boldy.
Nazgül Altaeva
Raşida Otar
