TÜRKSOI bastamasymen qūrylǧan TÜRKFİLM – Türkı älemı kinematografisterınıŋ odaǧy aiasynda Stambūlda paneldık sessiia öttı.
TÜRKFİLM qūramyna Äzerbaijan, Qazaqstan, Qyrǧyzstan, Özbekstan, Türıkmenstan jäne Türkiianyŋ ūlttyq kino mekemelerınıŋ ökılderı kıredı. Jiynǧa türkı memleketterınıŋ kino salasyndaǧy jetekşılerı qatysyp, ortaq kinokeŋıstıktıŋ damu jolyn talqylady. Türık kinematografisterı ıs-şarada Qazaqstannyŋ tabiǧi lokasiialaryna erekşe qyzyǧuşylyq tanytyp, olardy kinojobalary üşın tartymdy ärı äserlı oryn retınde qarastyrdy.
Sessiiaǧa Ūlttyq kinony qoldau memlekettık ortalyǧynyŋ Basqarma töraǧasy Qūrmanbek Jūmaǧali qatysyp, elımızdıŋ kinoindustriiasy, onyŋ damu qarqyny jäne halyqaralyq serıktestık äleuetı turaly baiandama jasady. Basqarma töraǧasy Ortalyqtyŋ kinojobalardy ırıkteu mehanizmderı, bırlesken öndırıs boiynşa ötınım beru tärtıbı, sondai-aq otandyq kinoöndırıske qoldau körsetu qūraldary turaly keŋınen baiandady.
Qūrmanbek Jūmaǧalidyŋ aituynşa, soŋǧy jyldary Qazaqstanda kinoöndıruşı kompaniialardyŋ sany artqan, jyl saiyn şamamen 100-ge juyq otandyq film jaryq köredı. Bügıngı taŋda el aumaǧynda 500-den astam öndırıstık kompaniia tırkelgen, olardyŋ basym bölıgı Almaty qalasynda şoǧyrlanǧan.
Kino infraqūrylymyna kelsek, Qazaqstanda 113 kinoteatrda 446 ekran jūmys ısteidı. Jyl saiyn 23 millionnan astam körermen kinoteatrlarǧa barady, būl – kino önerıne degen tūraqty qyzyǧuşylyqtyŋ dälelı.
Basqarma töraǧasy Memleket basşysy Qasym-Jomart Toqaev qol qoiǧan kinony qoldauǧa baǧyttalǧan jaŋa zaŋ turaly da söz qozǧady. Atalǧan zaŋ kinojobalardy ırıkteu räsımın jetıldıruge, kino salasy mamandaryna käsıbi jäne äleumettık qoldau körsetuge baǧyttalǧan.
Sondai-aq, Qūrmanbek Jūmaǧali Qazaqstanda zaŋ jüzınde bekıtılgen ribeit jüiesı turaly baiandady.
«Bız bırlesken kinojobalarǧa, ärıptestıkke jäne halyqaralyq investisiialarǧa ärdaiym aşyqpyz. Kino – būl tek mädeniet pen öner ǧana emes, halyqtar arasyndaǧy özara tüsınıstık pen senımdı arttyratyn quatty qūral. Türkı memleketterı arasyndaǧy şyǧarmaşylyq bailanystardy küşeitu – ortaq maqsatymyz», – dedı ol.
Sessiia aiasynda türkı elderınıŋ tarihyn ekran tılımen beineleu, bırlesken jobalardy damytu jäne halyqaralyq festivalderge qatysudy keŋeitu mäselelerı qozǧaldy. Qūrmanbek Jūmaǧali öz sözınde Qazaqstan barlyq qatysuşylardy Aqtauda ötetın festivalde qarsy aluǧa daiyn ekenın atap öttı.
«Qorqyt festivalı – şyǧarmaşylyq dialogtyŋ, täjıribe almasudyŋ jäne ortaq jobalardy damytudyŋ maŋyzdy alaŋy. Bız būl festivaldıŋ türkı elderı arasyndaǧy mädeni bailanystardy odan ärı tereŋdete tüsetınıne senımdımız», – dedı ol.
Eske sala keteiık, biyl Aqtauda Türkı älemınıŋ mädeni tūtastyǧyn körsetetın jäne ortaq jobalardy damytuǧa serpın beretın Qorqyt halyqaralyq kinofestivalı ötedı.
