Almatyda mektep oquşylary arasynda jasandy intellekt boiynşa üşınşı halyqaralyq FAIO 2026 olimpiadasy aiaqtaldy. «Ksell» AQ activ brendımen olimpiadaǧa bas serıktes retınde qoldau körsettı.
Biylǧy jarysqa qyzyǧuşylyq būrynǧy jyldarmen salystyrǧanda aitarlyqtai artty. Irıkteu kezeŋıne 28 elden şamamen 1500 oquşy qatysyp, olardyŋ arasynan 16 memleketten 47 komanda Almaty qalasynda ötken finalǧa joldama aldy. Qatysuşylar üş kün boiy maşinamen oqytu, derekterdı taldau jäne baǧdarlamalau baǧyttary boiynşa zamanaui IT-industriianyŋ naqty mındetterıne negızdelgen praktikalyq tapsyrmalardy oryndady. Olimpiadanyŋ jülde qory 11 million teŋgenı qūrady.
«Üş jyldyŋ ışınde FAIO jergılıktı bastamadan älemnıŋ tükpır-tükpırınen kelgen mektep oquşylaryn bırıktıretın halyqaralyq olimpiadaǧa ainaldy. Osyndai jobalardy qoldau tehnologiialar men sifrlyq ekonomikany damytuǧa üles qosatyn jaŋa buyn mamandaryn qalyptastyruǧa mümkındık beredı», — dedı «Ksell» AQ qoǧammen bailanys bölımınıŋ basşysy Bairam Azizov.
FAIO negızın qalauşy ärı tanymal Jİ sarapşylar Quanyş Öteu men Ädılhan Toqtaǧanov olimpiadany halyqaralyq deŋgeige şyǧaruǧa, jasandy intellekt salasyndaǧy bolaşaq mamandardy erte anyqtauǧa jäne qoldauǧa arnalǧan tiımdı alaŋ qalyptastyruǧa köp eŋbek sıŋırdı.
FAIO mektep oquşylary arasynda ötkızıletın jasandy intellekt salasyndaǧy eŋ ırı halyqaralyq olimpiadalardyŋ bırı bolyp sanalady. Bastama jastardyŋ injenerlık oilauǧa, zertteu daǧdylaryn jäne ozyq tehnologiialarǧa qyzyǧuşylyǧyn damytuǧa baǧyttalǧan. Tapsyrmalardy jasandy intellekt salasyndaǧy täjıribelı mamandar men zertteuşıler äzırleidı, al nätije tiımdılık men sapasy boiynşa baǧalanady.
