Jezqazǧanda Qazaqstan Respublikasy Prezidentınıŋ janyndaǧy Ūlttyq ǧylym akademiiasynyŋ «Quatty öŋırlık ǧylym – quatty öŋır» taqyrybyndaǧy köşpelı Prezidium otyrysy öttı.
Jiynda öŋırdıŋ ǧylymi-tehnologiialyq damuynyŋ basym baǧyttary talqylanyp, mineraldyq şikızatty keşendı öŋdeu, geologiialyq barlau men metallurgiiany sifrlandyru, ekologiialyq qauıpsızdık, su resurstaryn basqaru jäne agroönerkäsıp salasyn ǧylymi süiemeldeu mäselelerıne basymdyq berıldı.
Otyrys barysynda ǧylym jetıstıkterın öndırıs pen ekonomikanyŋ naqty sektoryna engızu tetıkterı qarastyrylyp, qytailyq ǧylymi ūiymdarmen tehnologiialar transfertı, jasandy intellekttı paidalanu jäne zamanaui geologiialyq zertteu ädısterın engızu baǧyttary talqylandy.
Is-şara qorytyndysynda Ūlytau oblysynyŋ ǧylymi-tehnologiialyq damuyn jedeldetuge arnalǧan qarar men bırlesken ıs-qimyl jospary qabyldandy.
Sondai-aq Jezqazǧan qalasyndaǧy «Kazakhmys Barlau» geologiialyq klasterı bazasynda Qazaqstan Respublikasy Prezidentınıŋ janyndaǧy Ūlttyq ǧylym akademiiasynyŋ öŋırlık forsait-ortalyǧy aşyldy.
