Ūlytau oblysynda Qazaqstan Respublikasynyŋ Memlekettık qyzmetşıler künıne arnalǧan marapattau jiyny öttı. Is-şara aiasynda memlekettık qyzmet salasyna sübelı üles qosqan bırqatar azamat vedomstvolyq jäne oblystyq marapattarǧa ie boldy.
Saltanatty räsımde Ūlytau oblysynyŋ äkımı Dastan Ryspekov söz söilep, memlekettık qyzmettıŋ qoǧam ömırındegı maŋyzdy rölın atap öttı.
Jiynda «Memlekettık qyzmet ardagerı» vedomstvolyq tösbelgısımen
Janat Meiramǧalieva marapattaldy. Ol 40 jyldan astam uaqytyn memlekettık qyzmetke arnap, ekonomika jäne käsıpkerlık salalarynda abyroily eŋbek ettı. Zeinetkerlıkke şyqsa da, jastarǧa baǧyt-baǧdar berıp keledı.
Sonymen qatar, «Memlekettık qyzmet ardagerı» tösbelgısımen
Aidarhan Amanbaev ta marapattaldy. 45 jyldan astam tuǧan Jaŋaarqa audanynda tabandy eŋbek etıp kele jatqan azamattyŋ käsıbi joly – köpke ülgı.
«Üzdık memlekettık qyzmetşı» tösbelgısıne
Meiramkül Ospanova ie boldy. Eŋbek ötılı – 37 jyl. Soŋǧy 25 jylyn Qarajal qalasynyŋ jūmyspen qamtu bölımınde ötkızgen.
Sondai-aq «Üzdık memlekettık qyzmetşı» tösbelgısı Ardaq Japarovqa tabystaldy. Jas bolsa da jauapty qyzmetterdı abyroimen atqaryp jürgen bılıktı mamannyŋ bolaşaǧynan ülken ümıt kütıledı.
Sonymen qatar, saltanatty şarada Ūlytau oblysynyŋ Qūrmet gramotalarymen marapattalǧan memlekettık qyzmetşıler de öz salasynyŋ üzdık mamandary retınde tanyldy. Olardyŋ ortaşa eŋbek ötılı – 25 jyldan astam.
«Marapat ielerınıŋ ärqaisysynyŋ ömır joly – keler ūrpaqqa ülgı, bız üşın maqtanyş. Sızderdıŋ oblysymyzdyŋ damuyna qosqan ülesterıŋız erekşe», – dep atap öttı oblys äkımı.
