Qazaqstanda ǧylym degen ǧylym üşın jasalmaidy, ǧylym ädette otchiot üşın, maqalanyŋ sanyn köbeitu üşın jäne universitettıŋ nemese belgılı bır instituttyŋ körsetkışı, reitingı üşın jasalady. Sondyqtan bırınşı sapaǧa emes, maqalanyŋ sanyna män berıledı. Sosyn söitıp "vestnikterdegı" bes bettık maqalany bır avtor jazady, sosyn oǧan üş-tört avtor mıngesedı. Öitkenı ǧalymǧa esep kerek, esep beru üşın maqala kerek, al universitetke reiting kerek, reiting üşın maqalanyŋ sany kerek, nätijesınde ekeuı de razy...
Sosyn Scopus pen Wos-qa maqala jariialau mındettı bolǧany üşın qazekeŋ aqşa berıp kez kelgen taqyryptaǧy maqalaǧa da soavtor bolyp mıngesıp kete beredı. Mysaly, bır tarihşy öz ǧylymi salasyn nemese öz zertteu kezeŋın bylai qoiǧanda, tıptı tarih salasyna qatysy joq ekologiia salasynyŋ bır maqalasyna da aqşa berıp mıngesıp alady. Eŋ qyzyǧy, sol ekologiia salasyndaǧy maqalasy üşın ol tarihşynyŋ hirşasy da ösedı. Al, hirşaŋ bolsa, qazaq ǧylymynda avtoritetsıŋ, hirşa bolmasa, adam emessıŋ, senıŋ qai salada maqala jariialaǧanyŋ maŋyzdy emes...
Osylaişa, reiting quǧan häm ünemı asyǧyp jüretın bızdıŋ qaǧazbasty qazekeŋ jäne bızdıŋ ǧylymi jüie būl mäselenıŋ de baiaǧyda şeşımın tauyp qoidy. Aitpaqşy, men bärıne topyraq şaşyp otqam joq. Men "ädette" dedım, bärı degen joqpyn jäne eşqaşan Scopus, WoS kerek emes degen sözdı aitqan emespın (sözdıŋ törkının tüsınbei laǧyp ketetın qazaqtarǧa eskertu ). Negızı kületın närse emes.
Talgat Zholdassuly
Ūqsas jaŋalyqtar
