Qazaqstanda ǵylym degen ǵylym úshin jasalmaıdy, ǵylym ádette otchıot úshin, maqalanyń sanyn kóbeıtý úshin jáne ýnıversıtettiń nemese belgili bir ınstıtýttyń kórsetkishi, reıtıngi úshin jasalady. Sondyqtan birinshi sapaǵa emes, maqalanyń sanyna mán beriledi. Sosyn sóıtip "vestnıkterdegi" bes bettik maqalany bir avtor jazady, sosyn oǵan úsh-tórt avtor mingesedi. Óıtkeni ǵalymǵa esep kerek, esep berý úshin maqala kerek, al ýnıversıtetke reıtıng kerek, reıtıng úshin maqalanyń sany kerek, nátıjesinde ekeýi de razy...
Sosyn Scopus pen Wos-qa maqala jarııalaý mindetti bolǵany úshin qazekeń aqsha berip kez kelgen taqyryptaǵy maqalaǵa da soavtor bolyp mingesip kete beredi. Mysaly, bir tarıhshy óz ǵylymı salasyn nemese óz zertteý kezeńin bylaı qoıǵanda, tipti tarıh salasyna qatysy joq ekologııa salasynyń bir maqalasyna da aqsha berip mingesip alady. Eń qyzyǵy, sol ekologııa salasyndaǵy maqalasy úshin ol tarıhshynyń hırshasy da ósedi. Al, hırshań bolsa, qazaq ǵylymynda avtorıtetsiń, hırsha bolmasa, adam emessiń, seniń qaı salada maqala jarııalaǵanyń mańyzdy emes...
Osylaısha, reıtıng qýǵan hám únemi asyǵyp júretin bizdiń qaǵazbasty qazekeń jáne bizdiń ǵylymı júıe bul máseleniń de baıaǵyda sheshimin taýyp qoıdy. Aıtpaqshy, men bárine topyraq shashyp otqam joq. Men "ádette" dedim, bári degen joqpyn jáne eshqashan Scopus, WoS kerek emes degen sózdi aıtqan emespin (sózdiń tórkinin túsinbeı laǵyp ketetin qazaqtarǵa eskertý ). Negizi kúletin nárse emes.
Talgat Zholdassuly
