Almaty oblysy Penjim aýylyndaǵy mektep aýlasynda jappaı tóbeles oryn aldy, dep habarlaıdy “Adyrna” ulttyq portaly Stan.kz aqparat agenttigine silteme jasap.
Áleýmettik jelilerde tóbeles túsirilgen sýretter men vıdeo taralýda. Beınejazbadan jasóspirimderdiń tobyn, qıraǵan avtokólikter men ǵımarattyń synǵan terezesin ańǵarýǵa bolady.
"27 qazan kúni Panfılov aýdandyq ortalyq aýrýhanasy Penjim aýylyndaǵy mektep aýmaǵynan 16 jasar jasóspirim dene jaraqatymen kelip túsken. Tekserý barysynda 9 jáne 10-synypta oqıtyn eki oqýshynyń arasynda aýyzsha daý-damaı týyp, onyń sońy oqýshylar arasyndaǵy tóbeleske ulasqany jáne onyń saldarynan jasóspirimniń zardap shekkeni belgili boldy", – delingen resmı habarlamada.
Atalǵan fakti boıynsha QR QK 106-babynyń 2-bólimi (Qasaqana densaýlyqqa zııan keltirý) negizinde qylmystyq is tirkeldi, janjalǵa qatysýshylardyń barlyǵy anyqtaldy.
Qazirgi ýaqytta zardap shekken azamattyń jaǵdaıy turaqty, oǵan qajetti medıınalyq kómek kórsetildi.
Aýyl azamattary men aýdan ákimi, aqsaqaldar jáne Almaty oblysy PD bastyǵy tarapynan kezdesýler men túsindirý jumysy júrgizildi. Qazirgi ýaqytta jaǵdaı turaqty jáne baqylaýda.
“Adyrna” ulttyq portaly
