Qasym-Jomart Toqaev äleumettık jelıdegı paraqşasynda ūstazdar men oquşylardy Bılım künımen qūttyqtady, dep habarlaidy “Adyrna”.
Memleket basşysy öz qūttyqtauynda jas örenderdıŋ sapaly bılım, taǧylymdy tärbie aluy üşın barlyq jaǧdaidy jasaitynyn atap öttı.
"Mekteptıŋ jany – mūǧalım" dep Ahmet Baitūrsynūly aitqandai, ūstazdyŋ bala tärbiesındegı orny erekşe. Är oquşynyŋ tūlǧa bolyp qalyptasuynda mūǧalımder maŋyzdy röl atqarady. Sondyqtan bız pedagogterdı ärdaiym qoldaimyz. Qazaqstannyŋ bolaşaǧy – bılımdı ūrpaqtyŋ qolynda! Olardyŋ oquda ozat bolyp, qoǧamnyŋ barlyq salasynda biık belesterdı baǧyndyruyna tılektespın! Jastarymyz keleşekte Otanymyzǧa adal qyzmet etıp, onyŋ damuyna üles qosatynyna kämıl senemın! Bılım künı qūtty bolsyn!, – dep jazdy Qasym-Jomart Toqaev.
