Qazaqstan Prezidentı Qasym-Jomart Toqaev AQŞ prezidentı Donald Tramptyŋ Qazaqstannan importtalatyn tauarlarǧa baj salyǧyn engızu turaly hatyna resmi jauap joldady, dep habarlaidy "Adyrna" ūlttyq portaly.
Memleket basşysy öz jauabynda Qazaqstannyŋ AQŞ-pen aradaǧy būrynnan qalyptasqan senımdı sauda jäne investisiialyq ärıptestıktı joǧary baǧalaitynyn atap öttı. Prezident Toqaev ekı el arasyndaǧy ekonomikalyq bailanystardyŋ ädıl, aşyq ärı özara tiımdı negızde damuy qajet ekenın aitty.
Prezident Qazaqstannyŋ sauda mäselelerı boiynşa konstruktivtı dialogqa aşyq ekenın bıldırıp, barlyq şeşımder rasionaldy negızde qabyldanuy kerek ekenın jetkızdı.
“Bız sauda salasyndaǧy kez kelgen tüitkıldı ortaq müdde men teŋ qūqylyq qaǧidattary negızınde şeşuge bolady dep sanaimyz. Qazaqstan AQŞ-pen özara tiımdı serıktestıktı jalǧastyruǧa beiıl,” – delıngen Toqaevtyŋ jauabynda.
Memleket basşysy sauda salasyndaǧy problemalardy bırlesıp şeşu arqyly ortaq mämılege keluge bolady degen senım bıldırdı.
Aita keteiık, AQŞ prezidentı Donald Tramp 7 şıldede Qasym-Jomart Toqaevqa joldaǧan hatynda 2025 jyldyŋ 1 tamyzynan bastap Qazaqstannan äkelınetın barlyq tauarǧa 25% kölemınde kedendık baj salyǧyn engızetının aitqan edı.
