Memlekettık keŋesşı Erlan Qarin özınıŋ Telegram arnasynda osydan tura bır jyl būryn bolǧan qasırettı Qantar oqiǧasyna qatysty jazba jariialady, dep jazady "Adyrna" ūlttyq portaly.
«Osydan bır jyl būryn qaiǧyly qaŋtar oqiǧasy boldy. Sol künderı terıs küşter beibıt şerulerdı paidalanyp, jappai tärtıpsızdıkter ūiymdastyryp, memlekettık töŋkerıs jasauǧa tyrysty. Olardyŋ basty maqsaty - jürgızılıp jatqan jaŋaşyldyqtarǧa tosqauyl bolyp, eskı tärtıpterdı saqtap qalu edı. Sol sätte bızdıŋ elımız haos pen anarhiiaǧa tüsıp ketudıŋ naqty qaupıne tap boldy. Är minut maŋyzdy edı. Būl uaqytta basty mäsele memlekettıgımızdı saqtap qalu boldy. Azamattardyŋ bırlıgı men Prezidenttıŋ şeşuşı äreketınıŋ arqasynda memlekettık töŋkerıs äreketı sätsız aiaqtaldy. Bız ūlttyq apatty boldyrmai, jaǧdaidy tūraqtandyra aldyq», - dep jazdy Erlan Qarin.Memlekettık keŋesşınıŋ aituynşa, endıgı kezekte josparlanǧan reformalardy tolyq jüzege asyruǧa kırısuımız qajet.
«Mūndai daǧdarystardy bastan ötkergen memleketterdıŋ bilıgı ädette jaǧdaidy jabyq ūstauǧa, saiasi jüienı myǧymdauǧa nemese qataŋ tärtıp engızuge tyrysady. Būl oraida, elımızdegı liberalizasiia men demokratiiaǧa baǧyttalǧan qozǧalys toqtap qalmady, kerısınşe ol üdei tüstı. Prezidenttıŋ bastamasymen elımızde qarqyndy jäne jan-jaqty jaŋǧyrtu prosesı bastaldy. Memleket basşysynyŋ strategiialyq baǧyty qoǧamnyŋ qoldauyna ie boldy. Mūny Konstitusiialyq referendum men kezekten tys Prezident sailauynyŋ nätijelerı däleldeidı. Endı bızdıŋ aldymyzda qoǧam bırlıgın saqtai otyryp, josparlanǧan reformalar legın tolyq jüzege asyru mındetı tūr», - dep mälım ettı Memlekettık keŋesşı.
"Adyrna" ūlttyq portaly
Ūqsas jaŋalyqtar
