Memlekettik keńesshi Erlan Qarın óziniń Telegram arnasynda osydan týra bir jyl buryn bolǵan qasiretti Qantar oqıǵasyna qatysty jazba jarııalady, dep jazady "Adyrna" ulttyq portaly.
«Osydan bir jyl buryn qaıǵyly qańtar oqıǵasy boldy. Sol kúnderi teris kúshter beıbit sherýlerdi paıdalanyp, jappaı tártipsizdikter uıymdastyryp, memlekettik tóńkeris jasaýǵa tyrysty. Olardyń basty maqsaty - júrgizilip jatqan jańashyldyqtarǵa tosqaýyl bolyp, eski tártipterdi saqtap qalý edi. Sol sátte bizdiń elimiz haos pen anarhııaǵa túsip ketýdiń naqty qaýpine tap boldy. Ár mınýt mańyzdy edi. Bul ýaqytta basty másele memlekettigimizdi saqtap qalý boldy. Azamattardyń birligi men Prezıdenttiń sheshýshi áreketiniń arqasynda memlekettik tóńkeris áreketi sátsiz aıaqtaldy. Biz ulttyq apatty boldyrmaı, jaǵdaıdy turaqtandyra aldyq», - dep jazdy Erlan Qarın.
Memlekettik keńesshiniń aıtýynsha, endigi kezekte josparlanǵan reformalardy tolyq júzege asyrýǵa kirisýimiz qajet.
«Mundaı daǵdarystardy bastan ótkergen memleketterdiń bıligi ádette jaǵdaıdy jabyq ustaýǵa, saıası júıeni myǵymdaýǵa nemese qatań tártip engizýge tyrysady. Bul oraıda, elimizdegi lıberalızaııa men demokratııaǵa baǵyttalǵan qozǵalys toqtap qalmady, kerisinshe ol údeı tústi. Prezıdenttiń bastamasymen elimizde qarqyndy jáne jan-jaqty jańǵyrtý proesi bastaldy. Memleket basshysynyń strategııalyq baǵyty qoǵamnyń qoldaýyna ıe boldy. Muny Konstıtýııalyq referendým men kezekten tys Prezıdent saılaýynyń nátıjeleri dáleldeıdi. Endi bizdiń aldymyzda qoǵam birligin saqtaı otyryp, josparlanǵan reformalar legin tolyq júzege asyrý mindeti tur», - dep málim etti Memlekettik keńesshi.
"Adyrna" ulttyq portaly
