Qasym-Jomart Toqaev Tájikstanǵa jumys sapary barysynda Halyqaralyq Araldy qutqarý qorynyń quryltaıshy memleketteri basshylary keńesiniń otyrysyna qatysty, dep habarlaıdy «Adyrna» tilshisi.
Jıynda Memleket basshysy uıymdy odan ári damytýǵa qatysty usynystaryn ortaǵa saldy. Aıtýynsha, qordyń uıymdyq qurylymy men sharttyq-quqyqtyq bazasyn jetildirý proesin tezirek aıaqtaý mańyzdy másele bolyp qala beredi.
«Qordyń basqarmasy men Atqarýshy komıtetiniń ókilettiligin jáne jaýapkershiligin keńeıtken jón. Memleketaralyq sý sharýashylyǵyn úılestirý komıssııasyn Memleketaralyq sý-energetıkalyq komıssııa retinde qaıta qurýdy usynamyz. Bul sharalar Qordyń tıimdiligin arttyrar edi. Aımaqtaǵy barlyq eldiń ırrıgaııa, gıdroenergetıka jáne ekologııa salalaryndaǵy múddelerin eskere otyryp, Ortalyq Azııanyń sý-energetıka resýrstaryn tıimdi paıdalaný úshin uzaq merzimdi ári ornyqty aımaqtyq yntymaqtastyq mehanızmin qurý kerek. Bizdiń oıymyzsha, Halyqaralyq sý-energetıka konorıýmy osyndaı mehanızmniń rólin atqara alar edi. Sondaı-aq Aral teńizi basseınindegi sý resýrstaryn esepke alatyn, monıtorıng jasaıtyn, basqaratyn jáne bóletin biryńǵaı avtomattandyrylǵan júıe engizý boıynsha jumys josparyn ázirleý qajet. Bul bastamanyń júzege asyrylýy aımaqtaǵy sýdy paıdalanýdyń ashyqtyǵyn qamtamasyz etip, Ortalyq Azııa elderimen aradaǵy dıalogty jáne dostyqty nyǵaıtýǵa yqpal etedi»,—dedi ol.
Toqaev Araldy qutqarý qorynyń kelesi kezdesýin 2026 jyly Qazaqstanda ótkizýdi usyndy.
«Joǵary deńgeıdegi kelesi kezdesýdi ózim bastamashy bolǵan BUU aıasyndaǵy Aımaqtyq klımattyq sammıtpen biriktire otyryp, 2026 jyly Qazaqstanda ótkizýdi usynamyn»,—dep túıindedi basshy.
