Prezident Qasym-Jomart Toqaev qazan aiynda Qazaqstan halqyna Joldau jasap, el damuynyŋ aldaǧy josparyn aiqyndaitynyn mälımdedı, dep habarlaidy "Adyrna".
Memleket basşysy elımızdıŋ tarihi örleu däuırıne qadam basqanyn aityp, soŋǧy uaqytta bolǧan eleulı özgerısterge toqtaldy.
"Bız bırtūtas el bolyp, asa auqymdy reformalardy tabysty jüzege asyrdyq. Barşa jūrtymyzǧa, äsırese öskeleŋ ūrpaqqa baǧdar beretın Konstitusiiamyzdy qabyldadyq. Ädılettı, Küştı, Ozyq, Taza Qazaqstannyŋ berık negızın qaladyq. Mūny ūlt tarihyndaǧy naǧyz betbūrysty oqiǧa dep baǧalauǧa bolady. Konstitusiia – halqymyzdyŋ temırqazyǧy, el ışındegı tübegeilı özgerısterge tyŋ serpın bergen qasterlı qūjat", – dedı Prezident.
Qasym-Jomart Toqaev taiauda Qūryltai sailauy ötıp, onyŋ qūramyna käsıbi, ısker jäne jaŋaşyl azamattar, sonyŋ ışınde köptegen jas kırgenın atap öttı.
"Vise-Prezident taǧaiyndaldy. Jaŋartylǧan Ükımet jūmysyna kırıstı. Qauıpsızdık Keŋesınıŋ Apparaty jasaqtaldy. Köp ūzamai Qazaqstan Halyq Keŋesınıŋ qūramy bekıtıledı. Qūryltaidyŋ kelısımımen Konstitusiialyq sot sudialary, Ortalyq sailau komissiiasy men Joǧary auditorlyq palatanyŋ müşelerı taǧaiyndalady", – dedı Memleket basşysy.
Prezident osy qadamdardyŋ nätijesınde elımızdıŋ negızgı memlekettık instituttary tolyq jaŋǧyrtylatynyn aitty. Onyŋ sözınşe, būl – auqymdy reformalardyŋ asa maŋyzdy bölıgı.
"Al qazan aiynda men Konstitusiianyŋ 46-babyna säikes Qazaqstan halqyna Joldauymdy jasap, aldaǧy josparymyzdy aiqyndaimyn", – dedı Prezident.
Qasym-Jomart Toqaev 2019 jyly memleket basşysy bolyp kelgelı halyqqa arnaǧan Joldauyn ünemı qyrküiek aiynyŋ basynda jariialap kelgen bolatyn.
