Timur Qūlybaevtyŋ Halyk qaiyrymdylyq qory Balalardy qorǧau künıne orai biyl da jyldar boiy qalyptasqan dästürlı qaiyrymdylyq bastamalaryn jalǧastyrdy, - dep habarlaidy "Adyrna" ūlttyq portaly
Qordyŋ bastamasymen bılım, mädeniet, äleumettık qoldau, sport baǧyttarynda jüielı türde jüzege asyp kele jatqan jobalar myŋdaǧan balaǧa senım men jylulyq syilap keledı. Äsırese erekşe kütımdı qajet etetın, äleumettık osal toptaǧy, auyr diagnozy bar balalardy qoldau – qor qyzmetınıŋ ainymas baǧyty.
Qordyŋ Bas direktory S. Şüŋkeev atap ötkendei, Balalardy qorǧau künı – qor jyl saiyn arnaiy daiyndalatyn eŋ maŋyzdy künderdıŋ bırı.
«Būl – tek syilyq taratu emes, būl – köŋıl bölu, jan jyluyn sezındıru. Balanyŋ külkısın oiatu – qoǧamdy ızgılendırudıŋ eŋ tiımdı joly. Qordyŋ jyl saiynǧy bastamalary osy ūstanymnyŋ naqty ıs arqyly jalǧasyp kele jatqanyn körsetedı. Balalarǧa körsetılgen ärbır nazar – olardyŋ boiyna jylulyq syilap qana qoimai, qoǧamnyŋ da ızgılene tüsuıne jol aşady», – deidı ol.
Qonaevtaǧy erekşe balalarǧa – erekşe köŋıl
Biyl qor Almaty oblysy Qonaev qalasyndaǧy «Qonaev qalasynyŋ kündızgı bolu ortalyǧy» KMM mekemesıne arnaiy bardy. Būl ortalyqta 1,5 men 18 jas aralyǧyndaǧy psihonevrologiialyq aurulary bar, tırek-qimyl qozǧalysy būzylǧan balalar kündızgı bölımde arnaiy äleumettık qyzmet alady.
Mereke qarsaŋynda balalardyŋ kündelıktı kütımıne qajettı jaǧdaidy jaqsartu maqsatynda ortalyq biyl Halyk qoryna qoldau körsetu jönınde habarlasqan. Qor būl ıstı nazardan tys qaldyrmai, keŋeitılgen auqymda äleumettık kömek ūiymdastyrdy: 60 tärbielenuşıge arnalǧan syilyq jiyntyqtaryn äzırlep, merekelık oiyn-sauyq baǧdarlamasyn ǧana emes, ortalyqtyŋ balalaryna arnalǧan bırqatar qosymşa äleumettık qoldau şaralaryn jüzege asyrdy.
Būl - qordyŋ Qonaev ortalyǧymen alǧaşqy yntymaqtastyǧy emes: 2025 jyly da däl osyndai merekelık igılık körsetılıp, balǧyndarǧa quanyş syilanǧan bolatyn.
Qaraǧandydaǧy mektep-internatqa zamanui qūral syiǧa tartyldy
Sondai-aq Qor Halyk Bank-pen bırlesıp Qaraǧandy oblysy bılım basqarmasyna qarasty №2 arnaiy mektep-internatynyŋ akt zalyna arnalǧan interaktivtı panel satyp alu üşın qarjy böldı.
Atalǧan mektep-internatta erekşe bılım beru qajettılıgı bar 144 bala tärbielenedı. Jaŋa interaktivtı panel bılım beru, tärbie beru jäne tüzetu-damytu jūmystarynyŋ sapasyn arttyryp, mekteptegı merekelık baǧdarlamalar, konsertter, baiqaular, seminarlar, synyp saǧattary men ata-analar jinalystaryn zamanaui formatta ötkızuge mümkındık beredı.
Auylǧa ajar bergen «Altyn besık»
Balalardy qorǧau künı qarsaŋynda Halyk qory öŋırlerdegı balalarǧa arnalǧan igı bastamalaryn jalǧastyrdy. Sonyŋ jarqyn dälelı – Kostanai oblysy, Äulieköl audanynda qordyŋ qarjysyna boi kötergen erekşe kelbettı «Altyn besık» balabaqşasy. Syrtqy kelbetı «Hogvarts» qamalyna ūqsaityn būl ǧimarat bügınde tek säulettık erekşelıgımen ǧana emes, auyldaǧy mädeni, äleumettık ömırdı tübegeilı özgertumen de tanymal. Bala tärbiesıne arnalǧan keŋ, jarqyn, zamanaui keŋıstık – qordyŋ eldı mekenderdegı infraqūrylymdy jaqsartuǧa qosqan maŋyzdy ülesınıŋ bırı.
Halyk qory balabaqşany tūrǧyzumen ǧana toqtap qalmai, jyl saiyn mūndaǧy baldyrǧandar men pedagogterge qosymşa qoldau körsetudı dästürge ainaldyrǧan. Biyl da mereke qarsaŋynda qor balabaqşaǧa mektepke daiarlaityn oqu-ädıstemelık ädebietter, ärtürlı damytuşy kıtaptar jäne futbol doptaryn tabys ettı. Būl syilyqtar balabaqşanyŋ bılım beru qoryn baiytyp, balalardyŋ jan-jaqty damuyna jaŋa mümkındık aşty.
Aita keteiık, Halyk qaiyrymdylyq qory 2016 jyldan berı elımızde bılım beru, sport, mädeniet, ekologiia jäne infraqūrylym baǧyttarynda 214-ten astam jobany jüzege asyryp, qaiyrymdylyq maqsattarǧa 90,4 mlrd teŋgeden astam qarjy bölıp keledı.
suretter: Halyk qaiyrymdylyq qorynyŋ baspasözınen
