Óziniń áleýmettik jeli paraqshasynda ánshi Jazıra Baıyrbekova «qazaqtyń teń jartysy qaıyrshyǵa aınalyp jatqandaı» dep, endigi jerde kómek suraǵandarǵa qol ushyn sozbaıtynyn jazdy dep habarlaıdy «Adyrna» ulttyq portaly.
«Osydan birneshe jyl buryn jaǵdaı̆yn aı̆typ,kómek suraǵan adamdardyń hatyn oqyp,jylap,uı̆qym qashyp aýyryp qalatynmyn.Qazir ózimdi saqtaý úshin mán bermeýge tyrysyp júrmin.Hattardy kóremiz.Toqtalyp oqymaı̆myz.Óı̆tkeni kúnde 40-50 den asa hattar,qońyraýlar kúnnen kúnge kóbeıýde.
Bireýi ursyp suraı̆dy,bireýi qarǵap suraı̆dy,bireýi jalynyp suraı̆dy,bireýi shyn muqtaj,bireýi aldap suraı̆dy,bireýi mindettisiń dep májbúrlegisi kelip tistelep suraı̆dy.
Qazaqtyń teń jartysy qaı̆yrshyǵa aı̆nalyp jatqandaı̆ kórinedi.
NEGE???
Basqa elderde de osylaı̆ ma eken?!
Áleýmettik jelige kire almaı̆tyn,kirýge aqshasy da ýaqyty da joq muqtaj jandar qanshama.
Qaı̆yrymdylyqty kimge,qaı̆ kezde jasaı̆tynyn ár adam ózi sheshedi.
Men ınstadaǵy kómek suraǵan hattardy oqymaımyn endi.
Arnaıy qaıyrymdylyq qorlaryna jazyńyzdar» dep jazady ánshi Jazıra.
Óner juldyzynyń biri, halyqtyń súıikti ánshisiniń bul jazbasy oqyrmandarynyń birin oılantsa, endi biri ánshiniń bul pikirin qoldaıtynyn bildirip jatyr. Saralap kórip, uqqanymyz Jazıranyń bul jazbasyna qatysty «halyq rasymen kedeılenip barady. Bılik basyndaǵylar halyqtyń nesibesin jep qoıdy» degen jáne «alaqan jaıyp, aqsha sqraýdy ádetke aınaldyrǵan adam kóbeıdi. Eger shyn muqtaj bolsa, áleýmettik jelide otyrmaıdy» degen pikirler basym eken.
Solardyń ishinde bir ǵana pikir erekshe nazar aýdartty. DP dertine shaldyqqan balasynyń árbir emine júzdegen myńnyń dárisin alý óte qıynǵa soǵatynyn, sondaı kezde amalsyz alaqan jaıatynyn jasyrmaı jazǵan kelinshek tutas qazaqtyń qaıǵysyn jetkizgendeı kórindi. Qazaq ulty namysyn bárinen bıik ustaǵan tekti halyq edi. Sońǵy ýaqytta alaqan jaıyp, kómek suraýdan arlanbaıtyn halyqqa aınaldy. Nege? Óıtkeni solaı etýge májbúr. Kóz aldynda ajalmen arpalysqan balasy qınalyp jatqanda, ar-namysty oılap otyrý múmkin be?
Osyndaı qıyndyqtyń qylburaýy qysa túspese, qazaqtyń balasy qaıyr suramaıtyny sózsiz. Árıne, ońaı aqshamen qaryn toıdyrýdy oılaıtyn alaıaqtardyń baryn joqqa shyǵarmaımyz. Alaıda qazirgi qoǵamdy qaıyrshyǵa aınaldyrǵan eń basty másele – májbúrlik. Balasynyń, et jaqynynyń jany qyl ushynda turǵanda eshteńeden taıynbaı, jaqynyn ajaldan arashalaǵysy keletin kez kelgen adam alaqan jaıýǵa májbúr.
Olaı bolsa, eger shamań jetip tursa, nege qol ushyn sozbasqa? Bul ómir dúnıe jınaý úshin berilmegenin eskersek, bul jalǵanǵa tek jaqsylyq jasaýǵa keletinimizdi umytpasaq eken. Al qarapaıym halyqtyń qoldaýynyń arqasynda óner juldyzyna aınalǵan qaýymnyń kómek suraǵan halqynan teris aınalýy bul qoǵamnyń kelesi bir jarasyna aınalmasyna kepildik joq qoı.
Muqash MURATULY,
«Adyrna» ulttyq portaly.
Foto ashyq derekkózden alyndy.
