Özınıŋ äleumettık jelı paraqşasynda änşı Jazira Baiyrbekova «qazaqtyŋ teŋ jartysy qaiyrşyǧa ainalyp jatqandai» dep, endıgı jerde kömek sūraǧandarǧa qol ūşyn sozbaitynyn jazdy dep habarlaidy «Adyrna» ūlttyq portaly.
«Osydan bırneşe jyl būryn jaǧdaĭyn aĭtyp,kömek sūraǧan adamdardyŋ hatyn oqyp,jylap,ūĭqym qaşyp auyryp qalatynmyn.Qazır özımdı saqtau üşın män bermeuge tyrysyp jürmın.Hattardy köremız.Toqtalyp oqymaĭmyz.Öĭtkenı künde 40-50 den asa hattar,qoŋyraular künnen künge köbeiude.
Bıreuı ūrsyp sūraĭdy,bıreuı qarǧap sūraĭdy,bıreuı jalynyp sūraĭdy,bıreuı şyn mūqtaj,bıreuı aldap sūraĭdy,bıreuı mındettısıŋ dep mäjbürlegısı kelıp tıstelep sūraĭdy.
Qazaqtyŋ teŋ jartysy qaĭyrşyǧa aĭnalyp jatqandaĭ körınedı.
NEGE???
Basqa elderde de osylaĭ ma eken?!
Äleumettık jelıge kıre almaĭtyn,kıruge aqşasy da uaqyty da joq mūqtaj jandar qanşama.
Qaĭyrymdylyqty kımge,qaĭ kezde jasaĭtynyn är adam özı şeşedı.
Men instadaǧy kömek sūraǧan hattardy oqymaimyn endı.
Arnaiy qaiyrymdylyq qorlaryna jazyŋyzdar» dep jazady änşı Jazira.
Öner jūldyzynyŋ bırı, halyqtyŋ süiıktı änşısınıŋ būl jazbasy oqyrmandarynyŋ bırın oilantsa, endı bırı änşınıŋ būl pıkırın qoldaitynyn bıldırıp jatyr. Saralap körıp, ūqqanymyz Jaziranyŋ būl jazbasyna qatysty «halyq rasymen kedeilenıp barady. Bilık basyndaǧylar halyqtyŋ nesıbesın jep qoidy» degen jäne «alaqan jaiyp, aqşa sqraudy ädetke ainaldyrǧan adam köbeidı. Eger şyn mūqtaj bolsa, äleumettık jelıde otyrmaidy» degen pıkırler basym eken.Solardyŋ ışınde bır ǧana pıkır erekşe nazar audartty. DSP dertıne şaldyqqan balasynyŋ ärbır emıne jüzdegen myŋnyŋ därısın alu öte qiynǧa soǧatynyn, sondai kezde amalsyz alaqan jaiatynyn jasyrmai jazǧan kelınşek tūtas qazaqtyŋ qaiǧysyn jetkızgendei körındı. Qazaq ūlty namysyn bärınen biık ūstaǧan tektı halyq edı. Soŋǧy uaqytta alaqan jaiyp, kömek sūraudan arlanbaityn halyqqa ainaldy. Nege? Öitkenı solai etuge mäjbür. Köz aldynda ajalmen arpalysqan balasy qinalyp jatqanda, ar-namysty oilap otyru mümkın be? Osyndai qiyndyqtyŋ qylbūrauy qysa tüspese, qazaqtyŋ balasy qaiyr sūramaityny sözsız. Ärine, oŋai aqşamen qaryn toidyrudy oilaityn alaiaqtardyŋ baryn joqqa şyǧarmaimyz. Alaida qazırgı qoǧamdy qaiyrşyǧa ainaldyrǧan eŋ basty mäsele – mäjbürlık. Balasynyŋ, et jaqynynyŋ jany qyl ūşynda tūrǧanda eşteŋeden taiynbai, jaqynyn ajaldan araşalaǧysy keletın kez kelgen adam alaqan jaiuǧa mäjbür. Olai bolsa, eger şamaŋ jetıp tūrsa, nege qol ūşyn sozbasqa? Būl ömır dünie jinau üşın berılmegenın eskersek, būl jalǧanǧa tek jaqsylyq jasauǧa keletınımızdı ūmytpasaq eken. Al qarapaiym halyqtyŋ qoldauynyŋ arqasynda öner jūldyzyna ainalǧan qauymnyŋ kömek sūraǧan halqynan terıs ainaluy būl qoǧamnyŋ kelesı bır jarasyna ainalmasyna kepıldık joq qoi.
Mūqaş MŪRATŪLY,
«Adyrna» ūlttyq portaly.
Foto aşyq derekközden alyndy.Ūqsas jaŋalyqtar
