Ūlytau oblysynda prokurorlar memleketke qūny 443 mln teŋge bolatyn 31 jer uchaskesın qaitardy, dep habarlaidy «Adyrna» tılşısı.
Bas prokuraturanyŋ mälımetınşe, jürgızılgen qadaǧalau jūmystary kezınde jer uchaskelerın beru jäne paidalanu barysynda zaŋ talaptarynyŋ būzylu faktılerı anyqtalǧan.
Atap aitqanda, Jaŋaarqa audanynda qūny 334 mln teŋge bolatyn, audany 169 ga auyl şaruaşylyǧy maqsatyndaǧy jer uchaskesın zaŋsyz beru faktısı belgılı bolǧan.
Jezqazǧan qalasynda uaqytşa jer paidalanu qūqyǧynyŋ merzımı aiaqtalǧannan keiın memleket menşıgıne qaitarylmaǧan, jalpy audany 2,9 ga bolatyn qūny 96 mln teŋge 29 jer uchaskesı anyqtalǧan.
Būdan bölek, qūny 11 mln teŋge bolatyn kommersiialyq maqsattaǧy jer uchaskesın zaŋsyz beru deregı tırkelgen.
«Prokurorlyq qadaǧalau aktılerın qarau nätijesınde jalpy qūny 443 mln teŋge bolatyn 31 jer uchaskesı memleket menşıgıne qaitaryldy. Jer zaŋnamasynyŋ saqtaluyn qamtamasyz etu jäne jer qatynastary salasyndaǧy memleket müddesın qorǧau jūmystary jalǧasuda»,– delıngen habarlamada.
