Syr öŋırı öner şeberlerınıŋ Europadaǧy gastroldık sapary aiasynda Liuksemburg Ūly Gersogtıgınde Qyzylorda oblystyq filarmoniiasynyŋ konsertı öttı. «Shanyraq Fest Luxembourg» mädeni bastamasy şeŋberınde ūiymdastyrylǧan keşte qazaq halqynyŋ bai muzykalyq jäne folklorlyq mūrasy körermen nazaryna ūsynyldy.
Mädeni ıs-şara Qazaqstan Respublikasynyŋ Belgiia Koroldıgı men Liuksemburg Ūly Gersogtıgındegı elşılıgı, oblys äkımı Mūrat Nälqojaūlynyŋ jäne ERG qoldauymen ūiymdastyryldy.
Öner sapary osydan bırneşe ai būryn Nūrlybek Maşbekūlynyŋ bastamasymen josparlanyp, qarajaty şeşılgen bolatyn.
Konsertke Liuksemburgtıŋ memlekettık mekemelerınıŋ ökılderı, diplomatiialyq korpus müşelerı, käsıpkerler, mädeniet salasynyŋ qyzmetkerlerı, sondai-aq osy elde tūratyn qazaqstandyqtar men student jastar qatysty.
Keşte Qazaqstannyŋ Liuksemburgtegı elşısı Roman Vasilenko qūttyqtau söz söilep, mädeniet pen önerdıŋ halyqtardy jaqyndastyratyn maŋyzdy ruhani qūndylyq ekenın atap öttı. Sonymen qatar mūndai bastamalar memleketter arasyndaǧy dostyq qarym-qatynasty nyǧaityp, halyqtardyŋ bır-bırınıŋ tarihy men dästürın tereŋırek tanuyna yqpal etetının jetkızdı.
Mädeniet salasynyŋ üzdıgı Äziza Izdıqūlova rejisserlık etken konserttık baǧdarlamada Syr öŋırınıŋ bai muzykalyq mūrasy keŋınen nasihattalyp, ūlttyq folklor, küi önerı men jyraulyq dästür körermen nazaryna ūsynyldy. Önerpazdar oryndauyndaǧy şyǧarmalar arqyly Ūly dalanyŋ ruhy men qazaq halqynyŋ mädeni erekşelıgı şeteldık körermenge keŋınen tanystyryldy.
Keş qorytyndysynda önerpazdar «Atameken» änın oryndap, qazaq mädeni keşınıŋ äserlı finalyna ainaldyrdy.
