Qyzylordalyq jasóspirim jasandy ıntellektini qazaqsha sóıletip, baǵdarlama oılap tapty, dep habarlaıdy "Adyrna" tilshisi 24K.Z-ke silteme jasap.
Qyzylordalyq oqýshynyń oılap tapqan "QAZAQGPT" jobasy sheteldik sarapshylardyń da qyzyǵýshylyǵyn týdyrǵan.
Asyljan Abdýllaev jasaǵan jobada kez kelgen suraqqa qazaq tilinde jaýap alýǵa bolady. Bul Qazaq GPT-diń ózgelerden eń basty artyqshylyǵy eken.
16 jastaǵy jasóspirim bul baǵdarlamany telefon qosymshalarynan paıdalanýǵa bolatyndaı etip jasaǵan.
Rendel Brıýns degen Qazaqstandaǵy AQSh-tyń strategııalyq edvaızeri bar. Sol kisiniń aldynda qorǵaǵan bolatynmyn "Qazaq GPT"-di. Óte keremet pikir berdi. Odan bólek meniń eń bıik jetistikterimniń biri jobalardyń jańashyldyǵy, qaıtalanbas jetistik, - dedi oqýshynyń ózi.
Tereńózek kentindegi mektep oqýshysynyń jobasy birshama baıqaýlarda top jarǵan. Asyljan Abýdllaev mektep qabyrǵasynda oqyp-aq Astana IT ýnıversıtetiniń grantyn jeńip alǵan.
Sýret kerek bolsa sýret salyp, dybystap jaýap beretin, mátindi de qatesiz jazyp, esep shyǵara alatyn baǵdarlamanyń búginde 2 myńnan asa qoldanýshysy bar.
