Qyzylordalyq órt sóndirýshiler eki kishkentaı bala men olardyń anasyn órtenip jatqan páterden alyp shyqty, dep habarlaıdy "Adyrna" ulttyq portaly.
Oblystyq tótenshe jaǵdaılar departamentiniń baspasóz qyzmetiniń habarlaýynsha, oqıǵa 12 qańtarda bolǵan. «Saǵat 21:40-ta «112» qutqarý qyzmetine oblys ortalyǵy, Tasbóget kentindegi Naýryz kóshesindegi eki qabatty turǵyn úıdiń ekinshi qabatyndaǵy páterde órt shyqqany týraly habarlama kelip túsken. As úıde turmystyq zattar janyp, sonyń saldarynan kireberis tolyǵymen tútindegen. Órt sóndirýshiler páterden 2021 jáne 2023 jyly týǵan balalardy taýyp, anasymen birge syrtqa shyǵaryp, jedel medıınalyq járdem brıgadasyna tapsyrdy», - dep habarlady departamenttiń baspasóz qyzmeti.
Órt 21:58-de tolyǵymen sóndirildi. Órttiń sebebi – elektr toǵynyń qysqa tuıyqtalýy.
«Órt saldarynan qaza tapqandar men zardap shekkender joq, órtti sóndirýge №4 órt sóndirý beketiniń 23 qyzmetkeri, kezekshi órt sóndirý qyzmeti jáne arnaıy qyzmet tehnıkalaryn jumyldyryldy», - dep habarlady TJD.
"Adyrna" ulttyq portaly
