QR Ǵylym jáne joǵary bilim mınıstri Saıasat Nurbek Qazaqstannyń eńbek sińirgen qaıratkeri Kópen Ámirbektiń otbasyna kóńil aıtty, dep habarlaıdy "Adyrna" ulttyq portaly.
«Kúlkiniń Kópeni», «Kúlki áleminiń koroli» atanǵan satıra sańlaǵy Kópen aǵanyń dám-tuzy taýsylǵanyna, «Kópen ketip barady» degen qaraly habarǵa sený qıyn. Aınalasyn kúlkimen kómkerip júrgen kemeńgerdiń kelmeske ketkenin qabyldaý qandaı qıyn edi deseńizshi. Qazaq jýrnalıstıkasy men satırasyn qara jamyldyrǵan Kópen Ámirbek El aǵasy boldy. Qazaqtyń Kópeni atanǵan satıra sardary halqyna shynaıy kúlki de, qaǵytpa qaljyń da, ýytty ázil de syılady. «Ara» jýrnaly, «Qazaq ádebıeti», «Egemen Qazaqstan» jáne «Aıqyn» gazetterinde kúlkiniń keni, qara sózdiń qazynasy ekenin tanytty. Qazaq satırasyndaǵy qaranardyń qazasyn kúızelispen qabyldadym. Alla aldynan jarylqap, ımany salamat bolsyn. Kúlli qazaq jurtyna, Ámirbekovter áýletine qaıǵylaryna ortaqtasyp, kóńil aıtamyn. Qazaq halqy kórnekti Kópenin eshqashan umytpaıdy!, - dep jazdy mınıstr.
"Adyrna" ulttyq portaly
