Şymkentte köşede äieldı pyşaqtap öltırgen er adam qylmystyq jauapkerşılıkten bosatyldy, dep habarlaidy "Adyrna" ūlttyq portaly Otyrar-ǧa sıltep.
Qaiǧyly oqiǧa qaŋtar aiynyŋ soŋynda bolǧan. Polisiia mälımetınşe, er adam emhanadan qaityp kele jatqan äielge köşede pyşaq jaraqatyn salǧan. Zardap şeguşı oqiǧa ornynda köz jūmǧan.
Küdıktını ūstau kezınde ol polisiia qyzmetkerlerıne qarsylyq körsetıp, qolyndaǧy pyşaqpen tärtıp saqşylaryna şabuyldaǧan. Osyǧan bailanysty polisiia qyzmettık qaru qoldanuǧa mäjbür bolǧan.
Sot barysynda aiyptaluşynyŋ 2022 jyldan berı psihikalyq auru boiynşa esepte tūrǧany anyqtaldy. Ol bırneşe ret em qabyldap, därıgerlerdıŋ baqylauynda bolǧan. Sonymen qatar er adamnyŋ ekınşı toptaǧy mügedektıgı bar ekenı belgılı boldy.
Şymkent qalasynyŋ qylmystyq ıster jönındegı mamandandyrylǧan audanaralyq soty er adamnyŋ psihikalyq dertke bailanysty öz äreketıne esep bere almaǧanyn eskerıp, ony qylmystyq jauapkerşılıkten bosatty. Sot şeşımımen qylmystyq ıs toqtatylyp, küdıktı küşeitılgen baqylaudaǧy psihiatriialyq mekemede mäjbürlı em qabyldauǧa jıberıldı.
