Şymkentte jastar arasyndaǧy «Zaŋ men tärtıpke qosqan menıŋ ülesım!» atty sybailas jemqorlyqqa qarsy küres baiqauy öttı. Arbat demalys aimaǧynda ötken ıs-şaraǧa 10-21 jas aralyǧyndaǧy 150 qatysuşy qatysty. Baiqauqauǧa qatysuşylar arasynda mümkındıgı şekteulı jandar da boldy.
Is şara Şymkent qalasy äkımdıgımen jäne QR Sybailas jemqorlyqqa qarsy ıs-qimyl agenttıgınıŋ Şymkent qalasy boiynşa departamentımen ūiymdastyryldy. Baiqauǧa qatysuşy jastardyŋ sanyna şekteu qoiylmaǧan jäne 3 toptyq jas erekşelıgımen öttı.
- Jüldelı oryndardy anyqtau barysynda qazylar alqasy ümıtkerlerdıŋ şyǧarmasynyŋ taqyryptarynyŋ aşyluyna, tüster üilesımıne, kompozisiiasyna basa nazar audardy. Is şaranyŋ maqsaty - sybailas jemqorlyqqa qarsy mädeniettı qalyptastyruǧa jäne jastardyŋ boiynda adaldyqty nasihattau. Önerlı ūrpaqtyŋ talantyn tiımdı paidalanyp, bılım jüiesınde sybailas jemqorlyqqa qarsy ıs-qimylǧa baǧyttalǧan şaralardyŋ nyǧaityluyna yqpal etu, - deidı QR Sybailas jemqorlyqqa qarsy ıs-qimyl agenttıgınıŋ Şymkent qalasy boiynşa departamentınıŋ prevensiia basqarmasynyŋ basşysy Jandos Bekasanov.
Sybailas jemqorlyqqa qarsylyǧyn qylqalam men keneptıŋ kömegımen bıldırgısı kelgen jastardyŋ qiialyna şekteu bolmady. Qatysuşynyŋ ärqaisysy bar önerın ortaǧa saldy. Keibırınıŋ salǧan tuyndysy käsıbi suretşınıŋ şyǧarmasynan kem tüspeidı.
Qylqalammen suret salu üşın molbert pen qaǧaz, akvarel guaş boiau ūiymdastyruşylar tarapynan ūsynyldy. Baiqaudyŋ jeŋımpazdaryna qarjylai syilyqtar belrılıp, diplommen marapattaldy.
