Türkıstan oblysynda äkesın ūryp-soǧyp, qorlaǧan er adamnyŋ ısıne qatysty qylmystyq tergeu jürıp jatyr, dep habarlaidy “Adyrna” ūlttyq portaly QazAqparatqa sıltep.
Äleumettık jelıde äkesın balaǧattap, ūrǧan azamattyŋ äreketı qoǧamda ülken rezonans tudyrǧan edı. Keiın ıske kelınıŋ de qatysy boluy mümkın degen aqparat tarady.
Al ūlynan qorlyq körgen qariia qaitys boldy.
Türkıstan oblysy Polisiia departamentınıŋ mälımetınşe, atalǧan jaǧdaiǧa bailanysty qylmystyq ıs qozǧalǧan. Al oblystyq Densaulyq saqtau basqarmasy Qosseiıt auylynyŋ tūrǧyny, 1947 jyly tuǧan tūrǧynnyŋ 2025 jyldyŋ 2-nen 3-şı qyrküiegıne qaraǧan tünı köz jūmǧanyn habarlady.
“Tuystary der kezınde habarlamaǧandyqtan, medisinalyq qyzmetkerler qaitys bolu turaly anyqtama bere almaǧan. Qazırgı taŋda mäiıtke eksgumasiia jasalyp, sot-medisinalyq saraptama jürgızılude. Qorytyndysy şyqqan soŋ qosymşa mälımet berıledı”, – delıngen basqarma ūsynǧan aqparatta.
Därıgerlerdıŋ aituynşa, marqūm tırı kezınde «I11» jäne «M42» diagnozymen dinamikalyq baqylauda bolǧan. Dene jaraqattary boiynşa medisinalyq kömekke jügınbegen ärı şaǧym tüsırmegen.
