Şymkentte apelliasiialyq sot 8 jastaǧy qyzǧa azǧyndyq jasady degen 15 jastaǧy jasöspırımnıŋ ısı boiynşa sot ükımın özgerıssız qaldyrdy. Būl ıste kınälı tarap qana emes, zardap şekken tarap ta jasöspırımdı bosatudy sūraǧan, - dep habarlaidy “Adyrna” ūlttyq portaly "Euraziia Bırınşı arnasyna" sılteme jasap.
Sot jabyq tärtıpte öttı. Qyzu talqydan keiın sot zalynan sottaluşynyŋ anasy közın jasyn tögıp şyqqan. Ol balasy kınäsız ekenın aityp, tergeuşılerdı aiyptady.
"Bärın däleldedık, saraptama qorytyndysyn körsettık, qyzǧa eşkım tiıspegen. Bıraq sot qorytyndyǧa qaramaidy. Şymkentımızde ädıldık joq. Äl-Farabi polisiia bölımınıŋ jedel uäkılderı maǧan eskertpesten kelıp, balamen söilesken. Ony olar aldap, eşteŋe etpeidı, bosatady dep, qol qoiǧyzyp alǧan", - deidı sottaluşynyŋ anasy Ainūr Ädılova.Oqiǧa bır jyl būryn bolǧan. Qyzdyŋ otbasy Ädılovterdıŋ üiınde bır bölmesın jaldap tūryp jatqan. Kün ystyqta eresekter auladaǧy tapşada ūiyqtap jatqan. Oquşy qyz taŋerteŋ üi esınıŋ ūly tiıskenın aitqan. Bırden polisiia şaqyrtylyp, bıraq keiın zardap şekken tarap oqiǧanyŋ jalǧasy bolǧanyn aita bastaǧan.
"Oqiǧadan keiın 10 kün ötkende segız jastaǧy qyzym körşınıŋ ūly qaida ekenın sūraǧan. Ol saǧan tiıskenı üşın türmege qamaldy, ol saǧan azǧyndyq jasady ǧoi dedım. Sonda qyzym bärı tüsınde körgenın aitty. Körgen tüsın beker aityp bergenın jetkızdı. Osydan keiın tergeuşıge baryp, aryzymdy alǧym keldı. Bıraq aryzdy alsam, özım türmege 10 jylǧa qamaluym mümkın ekenın aitty", - deidı qyzdyŋ anasy.Al advokat tergeu barysynda jasöspırımge qysym körsetılgenın mälımdep otyr.
"Tergeu barysynda jasöspırımge qysym körsetılgen. Zardap şekken qyzdyŋ anasy menıŋ qorǧauymdaǧy adamnyŋ qylmysy turaly barlyq däleldı joqqa şyǧardy. Tıptı bırınşı sot otyrysynda ol qyzy psihologiialyq būzyluy bar ekenın mälımdegen. Qyz oidan şyǧaryp, ötırık aitqan boluy mümkın. Dälel retınde psihdispanserden anyqtama aldyq. Zardap şekken qyz esepte bar jäne järdemaqy alady", - dep mälımdedı advokat Jarylqap Ömırzaqov.Apelliasiialyq sot tyŋdauynda üş bırdei sudia bolǧan. Olar ükımdı, iaǧni bes jylǧa bas bostandyǧynan aiyru jazasyn özgerıssız qaldyru turaly şeşım şyǧarǧan.
"Kämeletke tolmaǧan jasöspırımge qatysty "Seksualdyq sipattaǧy zorlyq äreketter" baby boiynşa ükım şyqqan. Bügın bız osy ıstı qarap, taraptardyŋ pıkırın tyŋdadyq. Alqa zardap şekken taraptyŋ kuä sözı özgeruıne senbestık bıldırdı. Alqa mūndaidy sotty aldauǧa ūmtylu degen qarastyrady", - dedı qalalyq qylmystyq ıster sotynyŋ töraǧasy Erbol Janǧazin.Sot ükımı küşıne engen soŋ 15 jastaǧy bala uaqytşa ūstau izoliatorynan koloniiaǧa jıberıledı. Jasöspırımnıŋ ata-anasy poliseiler ısınıŋ zaŋdylyǧyna qatysty aryz tüsırıp, Joǧarǧy sotqa jügınuge niettı.
Ūqsas jaŋalyqtar
