Qasym-Jomart Toqaev Sybaılas jemqorlyqqa qarsy is-qımyl agenttiginiń tóraǵasy Marat Ahmetjanovty qabyldady, dep habarlaıdy "Adyrna" ulttyq portaly.
Aqordanyń habarlaýynsha, Toqaevqa 16 sáýirde ótken sybaılas jemqorlyqqa qarsy is-qımyl jónindegi keńeste berilgen tapsyrmalardy oryndaý barysy týraly habarlandy. Marat Ahmetjanov Agenttiktiń qylmystyq proestiń úsh deńgeıli modeline tolyqqandy kóshýge daıyndyǵy týraly aıtty.
Prezıdent sybaılas jemqorlyqqa qarsy kúres ádisterin jańartý, jumys barysynda jiberilgen qatelikter men qasaqana jasalǵan qylmystardy ajyratý, sondaı-aq qylmyskerdi qylmys quramy túgel bolǵan jaǵdaıda ǵana jaýapqa tartý qajet dep atap ótti.
Sonymen qatar, kásipkerlerdiń quqyqtaryn qorǵaý, kásipkerlik qyzmetke zańsyz aralasyp, kóleńkeli saýdany qoldaýshy memlekettik qyzmetshilerdiń jaýapkershiligin qatań qarastyrý boıynsha mindetter qoıyldy.
Memleket basshysy Agenttikke sybaılas jemqorlyqqa qarsy is-qımyldyń aldyńǵy qatarly tájirıbesin zerdeleý jáne memlekettik organdardyń qyzmetin tıisti úılestirýdi júrgizý turǵysynan halyqaralyq uıymdarmen tyǵyz jumys týraly birqatar tapsyrmalar berdi.
"Adyrna" ulttyq portaly
