Aqmola oblysy Stepnogor qalasyna qarasty Bestöbe kentındegı köpqabatty üide Natalia Onişuk esımdı jalǧyzbasty äiel 10 jyldan berı äjethanada tūrady. Būl turaly Massaget.kz portaly jazdy, dep habarlaidy “Adyrna” ūlttyq portaly.
Aqparatqa säikes, üide jyludyŋ mülde joqtyǧynan zeinetker äiel vannanyŋ üstıne tösek salyp, auyr künderdı bastan keşuge mäjbür.
Jalǧyzbasty qariia kömegın berer tırı jan bolmaǧan soŋ mūzdai baspanada jyldar boiy bürseŋdep tūryp jatqanyn jetkızdı. Üiınıŋ ışı tügeldei ylǧal basyp syz tartqan üidıŋ basqa bölmelerınde tūru mülde mümkın emes. Sondyqtan qariia jylytqyş alyp äjethananyŋ kışkentai ǧana bölmesınde tūratyn bolǧan. Bügın de jetpısten asqan qariia aşy mūŋyn jetkızdı.
"Men būl üide sonau üi salynǧan 1984 jyldan berı tūramyn. Bastapqyda üige ortalyqtandyrylǧan jylu berılgen. Bıraq keiın jyludan bırjola aǧytyldy. Bırşama uaqyt ata-anammen bırge jer üide tūrdym. Sodan taǧy qaityp oraldym. Qazır mıne on jyldan berı tek äjethana bölmesınde tūryp jatyrmyn. Qalǧan bölmeler jylytylmaǧandyqtan aiazdy künderı mūzdai bolyp suyp ketedı. Qabyrǧalar syz tartqandyqtan torǧaidai bolyp saŋyrauqūlaqtar qaptap kettı. As üige baryp tamaq daiyndasam qabyrǧalardan saulap su aǧady. Köktem saiyn kün jylyǧanda ylǧi terezelerdı aşyp keptırıp almaq bolamyn. Bıraq odan eş qaiyr joq. Qysy-jazy osy kışkentai ǧana äjethana bölmesınde vannanyŋ üstıne tösek salyp jatamyn. İt tırlıkpen ömır keşıp jürmın", - deidı Natalia Onişuk portalǧa bergen sūhbatynda.
Foto: massaget.kz
Qariianyŋ äkesı soǧys ardagerı bolǧan. Ata-anasy qaitys bolǧannan keiın tūrmystyŋ tauqımetın tarta bastaǧan qariia özınıŋ aşy taǧdyryn eşkımge jariia etpei tūra bergen. Ärı syz basyp saŋyrauqūlaq qaptaǧan üide tūratynyn bıreuge aitudy da ar sanaǧanyn jasyrmady. Alaida, äbden şegıne jetken äiel özındegı bar tüitkıldı osy Bestöbe kentınen sailanǧan deputat - Qanat Baisovqa jetkızgenın aitty.
Natalia Prokofevnanyŋ aianyşty jaǧdaiyn mäslihat deputaty da rastady. Onyŋ aituynşa, Bestöbe kentınde būdan da bölek äleumettık mäseleler jetıp artylady.
"Men Natalia Prokofevnanyŋ üiınde aqpan aiynda boldym. Üide jarty saǧat ta tūra almai, aiaq kiımımdı kiıp şyǧyp ketuge mäjbür boldym. Şynyn aitqan onyŋ üiınen dala äldeqaida jyly siiaqty sezıldı. Öŋmenıŋnen ötetın mūzdai suyqpen qatar üidıŋ ışı syz basyp ylǧaldan demalu asa qiynǧa soǧatynyn kördım. Būl kısınıŋ anasy bızge mektepte sabaq beretın. Auyl äkımıne jaǧdaidy aittym. Bıraq eşqandai naqty kömek bere almady. Öte aianyşty jaǧdai. Kentte jylu, jol, auruhana, jedel järdem siiaqty öte ötkır mäseleler köp. Jaǧdaiy osyndai asa auyr haldegı adamdar bar. Degenmen kelesı qysta būl kısınıŋ baspanasyna peş salynatyny haq. Būl mäsele menıŋ ūdaiy nazarymda bolady", - dedı Stepnogor qalalyq mäslihatynyŋ deputaty Qanat Baisov.
Eldımekennıŋ köp bölıgınde köp qabatty tūrǧyn üilerge jylu tartylmaǧandyqtan kent tūrǧyndarynyŋ basym bölıgı üilerıne peş salyp alǧan. Qyzyǧy sol şaǧymdanǧan äiel tūratyn däl osy üide Bestöbe kentınıŋ äkımı de tūratyn bolyp şyqty.
"Körşılerımnıŋ bärı üilerıne peş qoidyryp alǧan. Kömır jaǧyp küneltedı. Olardyŋ bärınde üiınde erkegı, qolynda aqşasy bar. Al mende onyŋ bırı joq. Jaqynda äkımge de baryp jaǧdaiymdy aitqanmyn. Tym qūryǧanda Stepnogorda jataqhanadan bır bölme bere me dep ümıttengenım ras. Bıraq jauap menıŋ päterım bar ekenı turaly boldy. Äkım menıŋ jaǧdaiyma müsırkegendei qaraǧanymen üige bu generatoryn qoiyp aluǧa keŋes berdı. Bıraq menıŋ ondai aqşam joq. 100 myŋ teŋge zeinetaqym tek azyq-tülık pen därı-därmegıme jäne kommunaldyq qyzmetterdı töleuge ǧana jetedı. Sızder habarlasyp mäsele kötergennen keiın äkım üiıme kelıp, jaǧdaiymdy bılgen boldy", - deidı Natalia Onişuk.
Qariia kent äkımımen bır köp qabatty üide tūrǧanymen kent äkımı osy uaqytqa deiın qariia jaily eş bılmeitın bolyp şyqty. Sondai-aq, Bestöbe äkımı aldaǧy jylǧa deiın jergılıktı käsıpkerlerdıŋ kömegımen Natalia Onişukke peş salu mäselesı şeşıletının atap öttı.
"Ekı jyl boiy osy Bestöbe kentıne äkım bolǧaly ol tek bır-aq ret kelıp jügındı. Tek sonda ǧana osy jaǧdaidy estıdım. Men öz tarapymnan dänekerleu jäne peş ornatu jūmystaryna jūmysşylarymdy böludı ūsyndym. Memleket tarapynan mūndai jaǧdaiǧa qarajat qarastyrylmaǧan. Sondyqtan biyl jekemenşık käsıpkerlerdı tauyp qariiaǧa peş salyp beretın boldyq. Demeuşı bolatyn käsıpker taptyq. Endı biyl jazda būl mäsele şeşımın tabuy tiıs", - dedı Bestöbe kentınıŋ äkımı Syrym Qabai.
