Jambyl oblysynda «Sergek» avtomatty baqylau kamerasyn qasaqana ısten şyǧarǧan azamat äkımşılık jauapkerşılıkke tartyldy, dep habarlaidy "Adyrna" ūlttyq portaly.
Baizaq audandyq sotynyŋ baspasöz qyzmetınıŋ mälımetınşe, oqiǧa 2025 jyldyŋ jeltoqsan aiynda Sarykemer – Tüimekent – Aqşolaq avtojolynda bolǧan.
Sotta anyqtalǧandai, er adam pnevmatikalyq myltyqpen jol qozǧalysy erejesın būzudy avtomatty türde tırkeitın «Sergek» kamerasyna oq atqan.
Sot otyrysy barysynda qūqyq būzuşy öz kınäsın tolyq moiyndap, keltırılgen şyǧynnyŋ bır bölıgın ötegenın mälımdegen. Alaida jäbırlenuşı tarap zalaldyŋ tolyq kölemde ötelmegenın körsetken.
Nätijesınde sot qaulysymen azamat Äkımşılık qūqyq būzuşylyq turaly kodekstıŋ 147-1-babynyŋ 1-bölıgı boiynşa kınälı dep tanylyp, oǧan 196 myŋ teŋge kölemınde aiyppūl salyndy. Sot şeşımı zaŋdy küşıne endı.
