Qaraǧandy oblysy dene şynyqtyru jäne sport basqarmasynyŋ basşysy Serık Sapiev pen onyŋ orynbasary Däuren Esımhanov qyzmetterınen bosatyldy, dep habarlaidy "Adyrna" ūlttyq portaly.
Būl turaly 2026 jylǧy 3 aqpanda oblys äkımdıgınıŋ baspasöz qyzmetı habarlady.
Resmi mälımetke säikes, ekı lauazymdy tūlǧa da qyzmetınen öz erkımen ketken.
Būl şeşım qaŋtar aiynda bolǧan janjaldan keiın qabyldandy. 21 qaŋtarda basqarma basşysy men onyŋ orynbasary arasynda janjal tuyndap, oqiǧa beinejazbaǧa tüsıp qalǧan. Oqiǧa qoǧamda qyzu talqylanyp, keiın basqarma jūmysyna qatysty tekserıs bastalǧan.
Oqiǧaǧa qatysty Serık Sapiev būǧan deiın memlekettık qyzmetker retınde etikany saqtaitynyn mälımdegen. Ol janjal jeke tūrmystyq janjal emes, qyzmettık mäselelerge bailanysty bolǧanyn aitqan. Onyŋ sözınşe, öŋırdegı sport ūiymdary basşylaryn zaŋsyz auystyru äreketı bolǧan.
Al Däuren Esımhanov äleumettık jelıler men BAQ-ta taraǧan aqparat tolyq şyndyqty körsetpeitının aityp, jūrtşylyqty arandatuǧa ermeuge şaqyrǧan.
