Qaraǧandy oblysynyŋ mektepterınde «Böl, tapsyr, qaita öŋde!» ekologiialyq jobasy jalǧasuda. Baǧdarlama maqsaty – jas ūrpaqtyŋ tabiǧatqa janaşyrlyǧyn qalyptastyru, tūrmystyq qatty qaldyqtardy sūryptap jinau mädenietın keŋınen nasihattau jäne ekologiialyq sauattylyqty arttyru.
Joba Qaraǧandy oblysynyŋ tabiǧi resurstar jäne tabiǧatty paidalanudy retteu basqarmasynyŋ bastamasymen jüzege asyryluda.
3–5 qaraşa künderı ekologiia jäne tabiǧatty paidalanu salasynyŋ mamandary Şahtinsk men Saran qalalarynyŋ mektepterınde interaktivtı därıster men aşyq sabaqtar ötkızude. Bügınge deiın oblystyŋ 30 mektebınen şamamen 1500 oquşy atalǧan jobaǧa qamtyldy.
– Endı bız taza qala özımızden bastalatynyn naqty bılemız! Bız – bır komandamyz, jäne Şahtinskını tazalyqtyŋ ülgısıne ainaldyru qolymyzdan keledı, - deidı S. Seifullin atyndaǧy gimnaziianyŋ 8-synyp oquşysy Angelina Polojaeva. – Bız ekologiiany qorǧauǧa söz jüzınde ǧana emes, ıs jüzınde de äreket etemız.
Sabaqtar barysynda balalar qaldyqtardyŋ ainalymy, olardyŋ qorşaǧan ortaǧa äserı jäne qaita öŋdeudıŋ ekonomika men ekologiia üşın berer paidasy turaly tüsınık alady. Praktikalyq bölımge erekşe köŋıl bölıngen: oqu oryndarynda qaldyqtardy bölek jinau jüiesı engızılıp, oquşylardy ekologiialyq bastamalar men erıktılıkke tartu jūmysy jürgızılıp jatyr.
«Taza Qazaqstan» ūlttyq bastamasy – būl tek senbılık ne tazalyq aksiiasy emes. Būl – jaŋa ekologiialyq sana qalyptastyruǧa baǧyttalǧan jüielı jūmys. «Böl, tapsyr, qaita öŋde!» jobasy mektep oquşylaryna qorşaǧan ortaǧa jauapkerşılıkpen qaraudyŋ maŋyzyn tüsındıredı. Sebebı däl osy jas ūrpaq erteŋgı künı taza ärı jasyl Qazaqstandy qalyptastyrady», – deidı ūiymdastyruşylar.
Joba aiasynda oquşylarǧa tabiǧatty aialau mädenietın erte jastan sıŋıru, tūrmystyq qaldyqtardy sūryptau daǧdysyn damytu, jeke ülestıŋ maŋyzyn ūǧyndyru jäne qaita öŋdeu salasynyŋ äleuetın tanystyru közdelgen.
Būl bastama «Taza Qazaqstan» ūlttyq jobasynyŋ maŋyzdy bölıgı retınde ekologiialyq bılım men mädeniettı damytudyŋ tiımdı qūralyna ainaluda. Ol tek mektep qabyrǧasyndaǧy sabaqtarmen şektelmei, öŋır tūrǧyndarynyŋ da tabiǧatty qorǧauǧa degen közqarasyn özgertuge yqpal etude.
