Almaty oblysynyŋ Qaskeleŋ qalasynda jasöspırım qyzdar arasynda bolǧan töbeleske bailanysty qylmystyq ıs qozǧaldy, dep habarlaidy "Adyrna" ūlttyq portaly.
Äleumettık jelılerde taraǧan aqparatqa säikes, joǧary synyp oquşylary kolledjdegı qūrbylarymen bırge 9-synyp oquşysyna şabuyl jasaǧan. Oqiǧa 10 säuır künı bolǧany habarlandy. Aldyn ala mälımet boiynşa, janjal qyzdardyŋ bırıne aitylǧan sözden keiın tuyndaǧan.
Zardap şekken qyzdy top bolyp ūryp-soǧyp, ony tızerletuge mäjbürlegen. Sonymen qatar bolǧan jaǧdaidy videoǧa tüsırgen. Keiın qyz keşırım sūraǧan soŋ bosatylyp, ata-anasyna habarlasqan.
Oqiǧaǧa qatysty Almaty oblystyq polisiia departamentı qylmystyq ıs qozǧaǧanyn mälımdedı. Vedomstvo ökılderınıŋ aituynşa, barlyq män-jai anyqtalyp, prosessualdyq tekserıs jürgızılgen.
Ekı jasöspırım profilaktikalyq esepke alynyp, ıs materialdary kämeletke tolmaǧandardyŋ ısterı jönındegı komissiiaǧa joldandy. Sonymen qatar, qatysuşylardyŋ ata-analary balalardy tärbieleu mındetterın tiısınşe oryndamaǧany üşın äkımşılık jauapkerşılıkke tartyldy.
Qazırgı uaqytta tergeu jalǧasyp jatyr. Polisiia oqiǧaǧa qatysy bar basqa da tūlǧalardyŋ äreketıne qūqyqtyq baǧa beru üşın tekseru jürgızıp jatqanyn habarlady.
