Abai oblysynda sot Semei tūrǧynyna ört turaly jalǧan aqparat taratqany üşın aiyppūl saldy, dep habarlaidy "Adyrna".
Oqiǧa 2026 jyldyŋ 3 nauryzynda Semei qalasyndaǧy «Balapark» balalar oiyn-sauyq ortalyǧynda bolǧan örtten keiın tırkelgen. Tötenşe jaǧdai qyzmetterınıŋ jedel äreketınıŋ arqasynda adam şyǧyny bolǧan joq.
Alaida qala tūrǧyny Instagram äleumettık jelısındegı qalalyq pablikterdıŋ bırınde ört saldarynan 18 adamnyŋ qaza tapqany turaly jalǧan mälımet jariialaǧan.
Abai oblysy prokuraturasynyŋ mälımetınşe, mūndai aqparat qoǧam arasynda negızsız ürei tuǧyzyp, qoǧamdyq tärtıpke kerı äser etuı mümkın.
Jedel jürgızılgen tekseru nätijesınde qūqyq būzuşynyŋ jeke basy anyqtalyp, oǧan qatysty äkımşılık ıs qozǧaldy. Sot otyrysy barysynda äiel öz kınäsın tolyq moiyndady.
Sot şeşımımen ol QR ÄQBtK-nıŋ 456-2-baby 3-bölıgı boiynşa kınälı dep tanylyp, 86 500 teŋge kölemınde aiyppūl töleuge mındetteldı.
