Qaraǧandy oblysy Būqar Jyrau audanyndaǧy ortalyq auruhana direktory alaiaqtyq äreketı üşın 3,5 jylǧa bas bostandyǧynan aiyryldy, dep habarlaidy “Adyrna” ūlttyq portaly Sputnik.kz saityna sılteme jasap.
Auruhana direktory därıgerlerdıŋ koronaviruspen küres şaralaryna atsalysyp jatqan medisina qyzmetkerlerınıŋ üstemeaqysyn alaiaqtyq jolmen tartyp alyp otyrǧan degen küdıkke ılındı. Sondai-aq, ol jalpy somasy 2 223 185 teŋge aqşalai qarajatty iemdengen.
“Mekeme basşysy D. Nūrmaǧanovanyŋ ısı Būqar Jyrau audandyq sotynda qaraldy. Onymen bırge şaruaşylyq meiırbikesı E. Bikenova da jauapqa tartyldy. Bikenova Nūrmaǧanovaǧa kovidtık üstemeaqydan özıne aqşa audartu üşın 375 000 teŋge kölemınde para berdı dep aiyptaldy. Sot ükımımen D. Nūrmaǧanova ömırboiy memlekettık qyzmetten alastatatylyp, 3,5 jylǧa bas bostandyǧynan aiyru jazasyn taǧaiyndady”,- dep jazylǧan basylymda.Al Bikenovaǧa 3 750 000 teŋge kölemınde aiyppūl türınde jaza taǧaiyndaldy jäne ömır boiy memlekettık qyzmette qyzmet atqaru qūqyǧynan aiyryldy. Ükım zaŋdy küşıne engen joq.
Ūqsas jaŋalyqtar
