Qaraǵandy oblysy Buqar Jyraý aýdanyndaǵy ortalyq aýrýhana dırektory alaıaqtyq áreketi úshin 3,5 jylǵa bas bostandyǵynan aıyryldy, dep habarlaıdy “Adyrna” ulttyq portaly Sputnik.kz saıtyna silteme jasap.
Aýrýhana dırektory dárigerlerdiń koronavırýspen kúres sharalaryna atsalysyp jatqan medıına qyzmetkerleriniń ústemeaqysyn alaıaqtyq jolmen tartyp alyp otyrǵan degen kúdikke ilindi. Sondaı-aq, ol jalpy somasy 2 223 185 teńge aqshalaı qarajatty ıemdengen.
“Mekeme basshysy D. Nurmaǵanovanyń isi Buqar Jyraý aýdandyq sotynda qaraldy. Onymen birge sharýashylyq meıirbıkesi E. Bıkenova da jaýapqa tartyldy.
Bıkenova Nurmaǵanovaǵa kovıdtik ústemeaqydan ózine aqsha aýdartý úshin 375 000 teńge kóleminde para berdi dep aıyptaldy. Sot úkimimen D. Nurmaǵanova ómirboıy memlekettik qyzmetten alastatatylyp, 3,5 jylǵa bas bostandyǵynan aıyrý jazasyn taǵaıyndady”,- dep jazylǵan basylymda.
Al Bıkenovaǵa 3 750 000 teńge kóleminde aıyppul túrinde jaza taǵaıyndaldy jáne ómir boıy memlekettik qyzmette qyzmet atqarý quqyǵynan aıyryldy.
Úkim zańdy kúshine engen joq.
