Jeltoqsan aıynyń 20-21 kúnderi Astana qalasynda birinshi Ortalyq Azııa medıa forýmy ótedi, dep jazady "Adyrna" ulttyq portaly.
Forým aıasynda medıa mamandar men tanymal sarapshylar óńirdegi medıany damytýdyń ózekti máselelerin talqylap, Ortalyq Azııada ortaq medıa keńistik qurý ıdeıasyn saraptaıdy.
Ortalyq Azııa Medıa Forýmynyń kún tártibindegi basty másele – biryńǵaı medıa platforma qalyptastyrý. Is-sharaǵa 100-den astam spıker qatysady. Bul - halyqaralyq deńgeıdegi belgili ǵalymdar, saıasatkerler, jýrnalıster, bedeldi sarapshylar men medıa salasyndaǵy halyqaralyq uıymdardyń ókilderi.
Birinshi Ortalyq Azııa medıa forýmynyń qatysýshylary óńirlik biregeılik, jańa medıany damytý, jasandy ıntellekt tehnologııalaryn medıada qoldaný, Ortalyq Azııadaǵy kreatıvti ındýstrııanyń damýy, post-shyndyq kezeńindegi aqparattyq qaýipsizdik, medıa salasyndaǵy bilim berý tranformaııasy, ózara yntymaqtastyqtaǵy halyqaralyq uıymdardyń orny, azamattyq qoǵamdy damytýdaǵy genderlik teńdiktiń róli, óńirlik jáne jahandyq kooperaııa múmkindikteri sııaqty kókeıkesti máselelerdi sóz etpek.
Forýmnyń paneldik sessııasynda Túrkııanyń 11-Prezıdenti Abdolla Gúl, Monǵolııanyń 3-Prezıdenti Nambaryn Enhbaıar óz oılaryn ortaǵa salady.
Is-sharanyń hedlaıneri - amerıkalyq New York Times-tyń 4 márte bestseller ıegeri, qazaq qyzy, búrkitshi Aısholpan jaıly jazylǵan “Eagle Huntress” kitabynyń avtory Lız Ýelsh, gollıvýd akteri, áıgili boksshy Roı Djons, YouTube jelisinde 18 mıllıard qaralym jıǵan dúnıe júzindegi balalarǵa arnalǵan eń tanymal dBillions jobasynyń avtory Ernıs Ýmetalıev jáne Pýlıtar syılyǵynyń ıegerleri.
Sonymen qatar, is-sharaǵa Túrki memleketteri uıymy, Islam Yntymaqtastyǵy uıymy, Túrki memleketteriniń Parlamenttik Assambleıasy, TÚRKSOI, AYÓSShK, BUU, IýNESKO, IýNISEF, UNFPA, EQYU Qazaqstandaǵy ókildikteri qatysady.
Tanymal qazaqstandyq ánshi Dımash Qudaıbergen BUU rezolıýııa arqyly bekitken 21 qyrkúıektegi “Halyqaralyq beıbitshilik kúniniń” jáne álemdik “Peace one day” jobasynyń avtory Djeremı Gıllımen birge beıbitshilik ıdeıasy boıynsha arnaıy sessııa ótkizedi.
Saıt: https://ca-mediaforum.org/ru
"Adyrna" ulttyq portaly
