18 aqpan kúni Ankarada Túrkııa prezıdenti Rejep Taıyp Erdoǵan Ýkraına prezıdenti Vladımır Zelenskıımen kezdesý ótkizdi, dep habarlaıdy “Adyrna” ulttyq portaly.
Anadolu agenttiginiń málimetinshe, kelissóz bastalmas buryn Erdoǵan ýkraınalyq áriptesin Prezıdenttik keshenniń kireberisinde qarsy aldy.
Eki eldiń lıderleri Túrkııa men Ýkraına týynyń aldynda estelik fotoǵa tústi. Kezdesý baspasózden jabyq túrde ótti.
Túrkııa tarapynan kelissózderge syrtqy ister mınıstri Hakan Fıdan, ulttyq qorǵanys mınıstri Iashar Gıýler, Prezıdent ákimshiliginiń baılanys basqarmasynyń basshysy Fahrettın Altýn jáne prezıdenttiń syrtqy saıasat jáne qaýipsizdik máseleleri boıynsha bas keńesshisi Akıf Chagataı Kylych qatysty.
Ekijaqty kezdesýden keıin memleket basshylary delegaııa múshelerimen birge keshki asty ishti. Sondaı-aq yntymaqtastyq týraly kelisimderge qol qoıý rásimi men prezıdentterdiń birlesken baspasóz máslıhaty boldy.
Aldymen, Túrkııanyń ulttyq bilim mınıstri Iýsýf Tekın men Ýkraına syrtqy ister mınıstri Andreı Sıbıga eki el arasyndaǵy bilim salasyndaǵy yntymaqtastyq týraly kelisimge qol qoıdy. Al ekinshi kelisimde Túrkııa Respýblıkasynyń Prezıdenttik ákimshiliginiń baılanys basqarmasy men Ýkraına Mádenıet jáne strategııalyq kommýnıkaııalar mınıstrligi arasynda BAQ jáne kommýnıkaııalar salasyndaǵy yntymaqtastyq týraly ózara túsinistik týraly memorandýmǵa qol qoıyldy.
