Qazaqstannyŋ būrynǧy prezidentı Nūrsūltan Nazarbaev jaŋa Konstitusiia boiynşa referendumda dauys berdı, dep habarlaidy "Adyrna".
Eks-prezident Nūrsūltan Nazarbaev 228-qūrylymdyq sailau uchaskesıne baryp, jaŋa Konstitusiiany qabyldau mäselesı boiynşa öz taŋdauyn jasady. Ol dauysyn elordalyq Astana Opera teatry aumaǧyndaǧy sailau uchaskesınde berdı. Dauys beru kezınde eks-prezident jurnalister aldyna şyqpaǧanymen resmi saitynda referendum men eldegı reformalar turaly pıkırı jariialandy.
Mälımetke qaraǧanda osydan jetı jyl būryn joǧary bilıkten öz erkımen ketkenın aitqan Nazarbaev būl şeşımdı eldıŋ tūraqty damuy men bilık sabaqtastyǧy jalǧasuy üşın qabyldandy degen.
— Uaqyt toqtamaidy. Buyn almasady. Är buyn Qazaqstannyŋ täuelsızdıgın nyǧaituǧa öz ülesın qosuy tiıs. Bızdıŋ zaman ökılderı täuelsızdıktı jariialap, şekarany belgılep, elordany tūrǧyzu arqyly öz mındetın oryndady dep esepteimın. Qazır Qazaqstandy odan ärı nyǧaityp, onyŋ bedelın köteru qajet. Būl baǧytta az jūmys ıstelıp jatqan joq, sonyŋ ışınde men qoldap otyrǧan bügıngı referendumnyŋ da maŋyzy zor. Öz uaqytynda men Qasym-Jomart Toqaevqa taŋdau jasadym jäne būl taŋdauym eşqaşan özgermeidı. Osy Konstitusiia Qazaqstanymyzdyŋ igılıgıne, halqymyzdyŋ berekesıne qyzmet etsın dep tıleimın, — dep tüiındedı Nūrsūltan Nazarbaev.
7 jyl būryn Nazarbaev prezidenttıkten ketkenımen, 2022 jylǧy Qaŋtar oqiǧasyna deiın Qauıpsızdık keŋesınıŋ ömırlık töraǧasy retınde bilıktıŋ barlyq tarmaǧyna yqpal etıp otyrdy. Ol prezident retınde 30 jyldai myzǧymai bilıkte otyryp, merzımınen būryn sailaular men referendumdar arqyly özınıŋ ökıletın ūzartuymen qoǧam esınde qaldy.
