Almatyda qoǧam belsendısı Orazaly Erjanovqa qatysty qylmystyq ıs qozǧaldy, dep habarlaidy "Adyrna" ūlttyq portaly QazTAG agenttıgıne sıltep.
Qalalyq polisiia departamentınıŋ mälımetınşe, äleumettık jelılerde şyndyqqa säikes kelmeitın aqparat taratylyp, referendumǧa boikot jasauǧa şaqyrular jariialanǧan. Osyǧan bailanysty «sailau qūqyqtaryn jüzege asyruǧa kedergı keltıru» faktısı boiynşa qylmystyq ıs tırkelgen
«Küdıktı – Almaty qalasynyŋ tūrǧyny. Ol ūstaldy. Onyŋ äreketterıne qūqyqtyq baǧa tergeu nätijesınde berıledı», – dep habarlady vedomstvo.
Polisiia ökılderı azamattardyŋ öz pıkırın bıldıruı zaŋ būzuşylyq emes ekenın atap öttı. Alaida jalǧan aqparat taratu, qoǧamdy adastyru nemese sailau prosesıne kedergı keltıru zaŋmen jauapkerşılıkke äkeletının eskerttı.
Būǧan deiın Orazaly Erjanovtyŋ 10 täulıkke qamauǧa alynǧany belgılı bolǧan.
Soŋǧy uaqytta Konstitusiiaǧa özgerıster engızu mäselesıne qatysty syn aitqan azamattar men belsendılerge qatysty bırqatar jaǧdailar tırkelgenı habarlanǧan.
