Forbes Kazakhstan jariialaǧan eŋ bai käsıpkerler tızımınde Qazaqstannyŋ tūŋǧyş prezidentı Nūrsūltan Nazarbaev äuletı tūr, dep habarlaidy “Adyrna” ūlttyq portaly basylymǧa sıltep.
Biyl eldegı eŋ bai 75 käsıpkerdıŋ jiyntyq kapitaly $57,5 mlrd-tan $60,84 mlrd-qa deiın ösken. Tızımdegı basty özgerısterdıŋ bırı — Bolat Ötemūratov bailyǧynyŋ $1,7 mlrd-qa artyp, $5,4 mlrd-qa jetuı. Sonyŋ nätijesınde ol reitingtıŋ üşınşı ornyna köterılgen.
Ūzaq jyldar boiy Nazarbaevtyŋ ıs basqaruşysy qyzmetın atqarǧan Ötemūratov halyqaralyq sarapşylar tarapynan eks-prezidenttıŋ eŋ jaqyn serıkterınıŋ bırı retınde atalyp keledı. Onyŋ ūly Älidar Ötemūratov ta Forbes tızımınde 57-orynda tūr. Onyŋ kapitaly $186 mln dep baǧalanǧan.
Reitingte üşınşı oryndy Timur Qūlybaev pen Dinara Qūlybaeva bölısıp otyr. Ärqaisysynyŋ bailyǧy $5,4 mlrd kölemınde. Olar «Almeks» holdingı arqyly elımızdegı eŋ ırı qarjy ūiymdarynyŋ bırı — Halyk Bank aksiialarynyŋ 61,99%-yn baqylaidy.
20-orynda Dariǧa Nazarbaeva ornalasqan. Onyŋ bailyǧy $550 mln dep körsetılgen. Al onyŋ ūly, Nazarbaevtyŋ nemeresı Nūraly Äliev 41-orynǧa jaiǧasqan. Onyŋ kapitaly $280 mln-ǧa baǧalanǧan. Anasy men ūly mediaaktivterge, sonyŋ ışınde «Evropa plius Qazaqstan» radiosy men NTK telearnasyna ielık etedı.
Tızımdegı taǧy bır yqpaldy tūlǧa — Ǧalymjan Esenov. Ol Forbes reitingınde 19-orynǧa köterılıp, bailyǧy $564 mln dep eseptelgen. Būǧan deiın Nazarbaev qorymen bailanystyrylǧan qūrylymdardan Jusan Bank aksiialaryn alǧannan keiın, Esenov banktıŋ jalǧyz iesıne ainaldy.
Sondai-aq reitingte Keŋes Raqyşev bar. Onyŋ bailyǧy $402 mln kölemınde baǧalanǧan. Ol da būrynnan Nazarbaev äuletıne jaqyn käsıpkerler qatarynda atalyp keledı.
Osylaişa, Forbes Kazakhstan reitingınde kemınde jetı adamnyŋ aktivterı tūŋǧyş prezidenttıŋ otbasy nemese jaqyn ortasymen tıkelei ne janama bailanysty ekenı baiqalady. Olardyŋ jiyntyq kapitaly $17 mlrd-tan asyp, tızımdegı barlyq bailyqtyŋ törtten bırınen köp bölıgın qūrap otyr.
