Batys Qazaqstan oblysynda respublikalyq referendum künı erekşe körınıstermen este qaluda. Han Ordasy auylyndaǧy №60 sailau uchaskesınde tarihi kostium kigen Jäŋgır han beinesınde jergılıktı tūrǧyn kelıp, sailauşylardyŋ nazaryn audardy.
Tarihi keiıpker dauys beru räsımıne qatysyp, öz taŋdauyn jasady. Körermender men uchaskege kelgen tūrǧyndar üşın būl – el tarihyna qūrmet körsetu men azamattyq jauapkerşılıktı nasihattaityn erekşe sät boldy.
– Qazırgı tez özgerıp jatqan älemde eŋ basty bailyq - paidaly qazbalar emes, adamdar. Sondyqtan Konstitusiiada adami kapitaldy, iaǧni bılımdı, ǧylymdy jäne adamdardyŋ damuyn qoldauǧa basymdyq berıluı öte maŋyzdy. Ǧylym damyǧan saiyn jaŋa tehnologiialar paida bolyp, jaŋa naryqtar aşylady, investisiia keledı. Būl öz kezegınde halyqtyŋ tūrmys deŋgeiın jaqsartuǧa mümkındık beredı. Bügın men tek tarihi tūlǧa retınde ǧana emes, el bolaşaǧyna bei-jai qarai almaityn azamat retınde de öz taŋdauymdy jasap otyrmyn. Eldıŋ bolaşaǧy ärqaisymyzdyŋ şeşımımızge bailanysty,– dedı Jäŋgır han keipındegı rekonstruktor.
Aita keteiık, referendum künı oblystaǧy barlyq sailau uchaskelerınde 446 myŋnan astam azamat öz taŋdaularyn jasau mümkındıgıne ie.
