Qazaqstanda respýblıkalyq atom elektr stanııasyn salý nemese salmaý týraly sheshim qabyldaıtyn referendým bastaldy, dep habarlaıdy «Adyrna» ulttyq portaly.
Qazaqstan zańnamasyna sáıkes referendým – Konstıtýııalardyń, zańdardyń jáne qoǵam ómiriniń basqa da mańyzdy máseleleri boıynsha jalpyhalyqtyq daýys berý. Ol «Respýblıkalyq referendým týraly» konstıtýııalyq zańmen retteledi jáne ony arnaıy qurylǵan komıssııa uıymdastyrady.
Daýys berý 6 qazanda saılaý ýchaskelerinde saǵat 07:00-den 20:00-ge deıin ótedi. Respýblıkada 10 myńnan astam saılaý ýchaskeleri bar. Birinshi bolyp shetelde - Seýl men Tokıoda ýchaskeler ashyldy.
Referendýmǵa 18 jasqa tolǵan Qazaqstannyń barlyq azamattary daýys berýge quqyly. Daýys berý bıýlletenderi qazaq jáne orys tilderinde jazylǵan. Referendýmda azamattar «Siz Qazaqstanda atom elektr stansasynyń salynýymen kelisesiz be?» degen suraqqa jaýap berýi kerek. Jaýaptyń eki nusqasy bar: «Iá, kelisemin» jáne «Joq, kelispeımin».
Ortalyq referendým komıssııasynyń onyń qorytyndylary týraly resmı habarlamasy daýys berý kúninen bastap jeti kúnnen keshiktirmeı buqaralyq aqparat quraldarynda jarııalanady.
