Qazaqstanda respublikalyq atom elektr stansiiasyn salu nemese salmau turaly şeşım qabyldaityn referendum bastaldy, dep habarlaidy «Adyrna» ūlttyq portaly.
Qazaqstan zaŋnamasyna säikes referendum – Konstitusiialardyŋ, zaŋdardyŋ jäne qoǧam ömırınıŋ basqa da maŋyzdy mäselelerı boiynşa jalpyhalyqtyq dauys beru. Ol «Respublikalyq referendum turaly» konstitusiialyq zaŋmen retteledı jäne ony arnaiy qūrylǧan komissiia ūiymdastyrady.
Dauys beru 6 qazanda sailau uchaskelerınde saǧat 07:00-den 20:00-ge deiın ötedı. Respublikada 10 myŋnan astam sailau uchaskelerı bar. Bırınşı bolyp şetelde - Seul men Tokioda uchaskeler aşyldy.
Referendumǧa 18 jasqa tolǧan Qazaqstannyŋ barlyq azamattary dauys beruge qūqyly. Dauys beru biulletenderı qazaq jäne orys tılderınde jazylǧan. Referendumda azamattar «Sız Qazaqstanda atom elektr stansasynyŋ salynuymen kelısesız be?» degen sūraqqa jauap beruı kerek. Jauaptyŋ ekı nūsqasy bar: «İä, kelısemın» jäne «Joq, kelıspeimın».
Ortalyq referendum komissiiasynyŋ onyŋ qorytyndylary turaly resmi habarlamasy dauys beru künınen bastap jetı künnen keşıktırmei būqaralyq aqparat qūraldarynda jariialanady.
Ūqsas jaŋalyqtar
