Elordadaǧy Mega Silk Way sauda-oiyn-sauyq ortalyǧynda Qazaqstan Respublikasy Konstitusiiasynyŋ jaŋa redaksiiasyn qoldauǧa arnalǧan auqymdy konsert öttı. Būl turaly Astana äkımdıgınıŋ resmi saity elordalyq «Ädılettı jäne progressivtı Qazaqstannyŋ halyqtyq Konstitusiiasy üşın!» jalpyūlttyq koalisiiasynyŋ qalalyq filialyna sılteme jasap habarlady.
Is-şara «Ädılettı jäne progressivtı Qazaqstannyŋ halyqtyq Konstitusiiasy üşın!» jalpyūlttyq koalisiiasynyŋ qyzmetı aiasynda ūiymdastyrylyp, elorda tūrǧyndary men qonaqtaryn konstitusiialyq özgerıster ideiasy töŋıregınde bırıktırdı.
Ūiymdastyruşylardyŋ mälımetınşe, konsertke 5 myŋǧa juyq adam qatysty. Olardyŋ qatarynda jastar, qoǧam ökılderı jäne sauda-oiyn-sauyq ortalyǧynyŋ keluşılerı boldy. Is-şara atmosferasy azamattyq belsendılık pen qoǧamnyŋ aldaǧy özgerısterge degen qyzyǧuşylyǧyn aiqyn körsettı.
Sahnada qazaqstandyq estrada jūldyzdary – Marjan Arapbaeva, «Bäiterek» toby, Erkeş Hasen, Mädi Syzdyqov, «Joşy» toby, Zarina Bojakova jäne Miras Jügınısov öner körsettı.
Konsert barysynda jinalǧan qauym aldynda Qazaqstan Respublikasy Parlamentı Mäjılısınıŋ deputattary, Astana qalasy mäslihatynyŋ deputattary, sondai-aq Qoǧamdyq keŋes pen jalpyūlttyq koalisiia ştabynyŋ müşelerı söz söiledı. Olar Konstitusiianyŋ jaŋa redaksiiasyndaǧy negızgı erejelerdı tüsındırıp, ūsynylyp otyrǧan özgerısterdıŋ qūqyqtyq memlekettı odan ärı damytu jäne qoǧamdyq bırlıktı nyǧaitu üşın maŋyzdylyǧyn atap öttı.
Ūiymdastyruşylar mūndai ıs-şaralar azamattardy aqparattandyruǧa jäne aldaǧy referendum mäselelerı boiynşa aşyq qoǧamdyq dialog qalyptastyruǧa baǧyttalǧanyn jetkızdı.
