Jaŋa sport ortalyǧynyŋ qūrylysy biylǧy jyldyŋ soŋyna deiın aiaqtalady dep josparlanyp otyr.
Jaqynda Şyǧys Qazaqstan oblysynyŋ äkımı Nūrymbet Saqtaǧanov voleibol ortalyǧynyŋ qūrylysy bastalǧan aumaqqa baryp, jūmys barysymen tanysty. Ekı qabatty keşende ekı sport zaly qarastyrylǧan — bırı jarystar ötkızuge, ekınşısı oqu-jattyǧu prosesıne arnalǧan. Negızgı zal şamamen 200 körermenge esepteledı. Sondai-aq ǧimaratta kiım auystyratyn bölmeler, duş jäne sanitarlyq toraptar jabdyqtalady.
Jobanyŋ bas merdıgerı — «DK PROEKT» kompaniiasy.
«Öŋırde voleibol qarqyndy damyp keledı, sondyqtan bız būl sport türımen ainalysatyndardy jan-jaqty qoldauymyz qajet, — dep atap öttı Nūrymbet Saqtaǧanov.
— Berel voleibol kluby jaqsy nätijeler körsetıp jür jäne öz sporttyq bazasyna laiyq. Komanda aldaǧy uaqytta da halyqaralyq jarystarda tabysty öner körsetıp, janküierlerın quanta beredı dep senemın».
Ortalyq 10 jastan asqan balalarǧa, jasöspırımderge jäne eresekterge arnalǧan. Sport zaldarynda bır uaqytta 84 adamǧa deiın jattyǧa alady: negızgı voleibol zalynda — 24 sportşy, oqu-jattyǧu zalynda — 36, al trenajer zalynda taǧy 24 adam. Künı boiy ärqaisysy ekı saǧattan tūratyn alty jattyǧu auysymyn ötkızu josparlanǧan.
Voleibol ortalyǧynyŋ salynuy öŋırdıŋ sporttyq infraqūrylymyn aitarlyqtai nyǧaityp, sportşylardy daiarlauǧa jäne jarystar ötkızuge zamanaui jaǧdai jasauǧa mümkındık beredı. Sondai-aq balalar men jastardy sportpen tūraqty türde ainalysuǧa keŋınen tartuǧa yqpal etedı.
