Óskemende Nazarbaev kóshesinde jeke turǵyn úıde órt boldy. Bul týraly ShQO TJD baspasóz qyzmeti málimdedi, dep habarlaıdy “Adyrna” ulttyq portaly.
Tútin jalmaǵan úıden 4 adam qutqaryldy.
Málimet boıynsha, jergilikti jerde gaz-tútinnen qorǵaý qyzmetiniń eki býyny quryldy. Olar 35 jastaǵy áıelge jáne 48, 40 jáne 34 jastaǵy úsh er adamǵa kómektesti. Dárigerler zardap shekkenderdi tekserip, úıge jiberdi.
Órt alańy – 90 sharshy metr.
"Órttiń sebebi – temeki tolyq óshpeı, abaısyzda otty jandyrý. Sóndirilmegen temekiniń saldarynan veranda órtenip, sodan keıin órt birden úıdiń shatyryna tarady. Jalyndy óshirýge jeke quramnyń 19 adamy men 5 tehnıka jumyldyryldy", – delingen habarlamada.
Departamenttiń baspasóz qyzmeti ashyq otty qaraýsyz qaldyrmaýǵa keńes beredi.
"Úıde, sonyń ishinde tósekte jatyp temeki shegýden aýlaq bolǵan jón. Ásirese masań kúıde bolǵanda, apat pen órtterge ákeletin jaǵdaılardan qashyq bolý kerek. Sóndirilmegen temeki tuqylynan matra nemese dıvan janyp, iri órtke ákeledi. Eger órt anyqtalsa, bul týraly dereý 101 nemese 112 telefondary arqyly habarlańyz. Dıspetcherge naqty mekenjaıdy aıtyp, páterden nemese úıden dereý ketińiz", – delingen habarlamada.
